Nationála mátkeeallinstrategiija 2030 oktavuođas (VisitNorway, 2021) mearriduvvui bargagoahtit oasse-strategiija ovddidemiin sámi mátkeealáhusa várás. Sámediggi oaččui ovddasvástádusa ráhkadit strategiija ja álggahii ovdaprošeavtta Sámi mátkeealáhusstrategiija 2023:s. 

Ovdaprošeavttas lea ráhkaduvvon raporta, mii geigejuvvui Sámediggái cuoŋománus 2024.

Loga raportta ovdaprošeavttas - sámi mátkeealáhusa strategiija (PDF, 8 MB)

Sámediggi eaiggáduššá dán prošeavtta, ja Innovašuvdna Norga ja Destinašuvdna Sápmi leat mielde mearrideamen mo dan galgá čađahit. Ovdaprošeavtta bohtosiid vuođul konkretiserejuvvo loahpalaš strategiija viidáseappot váldoprošeavttas, mii plánejuvvo čađahuvvot áigodagas 2024-2026. 

Dán barggu ulbmilin lea ráhkadit buori vuođu ceavzilis turismii álgoálbmogiid gaskkas. Strategiija vuođđun galget leat dakkár dehálaš prinsihpat go iešmearrideapmi, sámi giella ja kultuvra, girjáivuohta ja dohkkeheapmi. Leat maiddái mearriduvvon muhtun suorggit maiguin galgat bargat, nu go buoridit ovttasbarggu, bagadit sin geat barget sámi mátkeealáhusain, muitalit mearkagálvvu birra ja lasihit máhtolašvuođa dan birra.