Bušeahtta- ja ovttastahttinjuhkosis leat vihtta bargi oktan juogushoavddain. Juogus gullá Sámedikki hálddahusossodahkii. Hálddahusossodahkii gullet vel ekonomiija- ja bálkájuogus, HR-juogus ja DGT- ja doaibmajuogus.
Sámedikkis leat máŋga kánturbáikki maid gaskkas sáhtát válljet, ja bargobáikin sáhtát válljet doppe gos lea rabas kántorsadji.
Don gii virgáibiddjot fertet vuordit mátkkoštit barggus.
Barggut
Sámi statistihka leat ovdánahttime, ja dán virggis beasat váikkuhit ovdánahttimii. Oaččut vejolašvuođa leat mielde sámi statistihka ovdánahttimis earret eará ovttas SGD:in ja eará ovttasbargoguimmiiguin, čuovvulit sámi statistihka fágalaš analysajoavkku ja čuovvulit sámi statistihka čilgehusa masa gullet čovdosat álgoálbmotstatistihka hálddašeami várás. Dasa lassin galggat viidáseappot ovdánahttit Sámedikki doarjjahálddašanvuogádaga statistihkkamodula.
Bušeahtta- ja ovttastahttinjuhkosa bargin barggat maid eará áššiiguin main juhkosis lea ovddasvástádus. Juogus ovddasvástida Sámedikki bušeahta, reviderejuvvon bušeahta, Sámedikki jahkedieđáhusa ja Sámedikki doaibmadieđáhusa. Juhkosis lea bajimus ovddasvástádus Sámedikki doarjjahálddašeamis ja maiddái doarjjahálddašanvuogádagas, Sámedikki digitaliseremis ja siskkáldas bearráigeahččamis.
Du barggut:
- Ráhkkanahttit áššiid mat gusket sámi statistihkkii Sámedikki dievasčoahkkimii ja čuovvulit daid
- Viidáseappot bargat dieđuid eaiggátvuođamodeallain, mii guoská álgoálbmogiid diehtosuverenitehtii
- Viidáseappot ovdánahttit Sámedikki doarjjahálddašanvuogádaga statistihkkamodula
- Ráhkadit Sámedikki statistihka juohke jagi
- Ráhkadit tabeallaid, kárttaid ja statistihkaid mat gusket Sámedikki jahkedieđáhussii
- Doaimmahit statistihka politihkalaš jođiheapmái gohččuma vuođul
- Ovttasbargat SGD:in ja čuovvulit barggu mii dahkkojuvvo ovttasbargoforumis
- Čuovvulit sámi statistihka fágalaš analysajoavkku barggu ja gulahallat analysajoavkku jođiheddjiin ja Gielda- ja guovlodepartemeanttain (GGD)
- Atnit Sámedikki doarjjahálddašanvuogádaga Sámedikki iežas statistihka ovdánahttimii
Eará barggut dárbbu mielde, omd.:
- Veahkehit Sámedikki bušeahttabarggus
- Veahkehit Sámedikki jahkedieđáhusbarggus
- Doaimmahit statistihkaid earáide organisašuvnnas go bivdet daid
- Searvat olggobeale čoahkkimiidda ja semináraide main du áššesuorggit leat fáddán
- Veahkehit ráhkadit iešguđetlágan skoviid, ohcanvuoruid jna. Sámedikki doarjjahálddašanvuogádagas.
Virgái sáhttet maid biddjot eará barggut mat gullet Sámedikki doibmii.
Du bargobeaivi hábmejuvvo dárbbuid ja du gelbbolašvuođa mielde. Fertet ráhkkanit dasa ahte virggi ja juhkosa barggut ja ovddasvástádussuorggit rivdet Sámedikki doaimma dárbbuid mielde.
Gelbbolašvuohta
Ohcat du:
- Geas lea mastergráda humanioras, servodatfágas, stáhtadiehtagis, servodatekonomiijas dahje eará servodatdieđalaš oahppu mas statistihkka lea fágasuorggis.
- Geas lea bachelorgráda ja unnimusat 5 jagi hárjáneapmi statistihkkabarggus ja statistihkaid analyseremis.
- Geas lea relevánta bargohárjáneapmi statistihkalaš analysabarggus dahje statistihkkabarggus mas servodatdieđalaš fáttát leat fágasuorggis dahje relevánta bargohárjáneapmi almmolaš hálddašeamis.
- Geas lea hárjáneapmi diehtoanalysabarggus.
- Geas lea gelbbolašvuohta atnit relevánta diehtoanalyserenreaidduid nugo omd. R, Python, SQL, Power BI dahje sullasaš reaidduid.
- Gii bures máhtát atnit Microsoft Excela ja Worda.
- Geas lea buorre čálalaš ja njálmmálaš ovdanbuktindáidu dárogillii ja dahje sámegillii.
- Geas leat buorit gulahallandáiddut ja gii hukset luohttevašvuođa.
- Gii liikot bargat olbmuiguin.
- Gii leat iešheanalaš ja doaimmalaš.
- Gii leat nuppástus- ja ovdánahttindiđolaš.
- Gii leat analyhtalaš.
Dasa lassin lea ovdamunni (ii gáibádus) jus dovddat ahte čuovvovaš čilgehusat heivejit dutnje:
- Leat hárjánan atnit dokumeantagieđahallanvuogádagaid (omd. WebSak) áššemeannudeamis.
- Dovddat sámi servodatdiliid.
- Beroštat politihkalaš proseassain ja ásahusain.
- Liikot loguide.
- Bures máhtát atnit Microsoft PowerPoint -reaiddu.
- Leat hárjánan ráhkadit digitála skoviid.
Dákkár persovnnalaš iešvuođat deattuhuvvojit
- Dáidu bargat iešheanalaččat ja ulbmillaččat
- Buorit gulahallan- ja ovttasbargodáiddut
- Buorre njálmmálaš ja čálalaš ovdanbuktindáidu
- Geabbil ja smáđáhkes
Gelbbolašvuohta sámi servodatdiliin deattuhuvvo erenoamážit. Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.
Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.
Mii fállat
Min luhtte beasat bargat miellagiddevaš bargguid Sámedikki máŋggabealat birrasis.
Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmáláš ja čálalaš sámegielgelbbolašvuođa ovdal go mii olahit mihttomeari.
Sámediggi čuovvu stáhta láhka- ja šiehtadusdoaimma.
Mii sáhttit earret eará fállat:
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1434 Ráđđeaddi, vuolgá ohcci bargohárjáneamis ja gelbbolašvuođas
Virgáduvvot 1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi.
- Bálkkás gessojuvvo 2 % Stáhta penšuvdnakássii.
Positiivva sierrameannudeapmi:
- Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
- Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
- Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.
Virgádeapmi dahkko gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
Ohcan
Orru go virgi miellagiddevaš ja háliidatgo ohcat dasa?
Ohcan sáddejuvvo elektrovnnalaččat dán liŋkka bokte: Oza bargui. Ohcamuša mielde galget biddjojuvvot:
- Ohcanreive
- CV – oahppu ja bargovásihusat fertejit devdojuvvot elektrovnnalaš skovvái
- Oahppo- ja bargoduođaštusat galget biddjot mielddusin
- Unnimusat guokte referánssa
Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
Oktavuohta
Eanet dieđuid virggi birra oaččut go válddát oktavuođa:
Ovttas nannet Sámi
"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut
- sámi vuoigŋa
- rabasvuohta
- ovttaráđálaččat
- searvvadeaddji
- luohtehahtti ja oskkáldas
Sámediggi bargá čuovvovaš mihtuiguin olahan dihte min višuvnna:
- Mis leat gelbbolaš ja áŋgiris mielbargit
- Min váldogiella lea sámegiella
- Min vuoruheamit ja dagut leat birgejumi vuođul
- Mii leat sámi servodatovddideami njunnošis
- Mii leat bivnnuhis bargosadji
Ohcanáigemearri
Geassemánu 16. beaivvi 2023