50 jagi leat sámi servodatberošteaddjit, sihke politihkarat ja parlameantta hálddahusbargit, gozihan ja ovddidan áššiid sápmelaččaide buorrin. Dat lea gudnijahtten veará, ja mii berret vuollegašvuođain leat giitevaččat sidjiide geat leat leamaš min ovdavázzit ja dulbmo bálgáid midjiide. 

Mu sávaldat lea ahte mii maiddái boahtteáiggis bidjat návccaid ovttasbarggu bokte nannet Sámi, ja bargat dan badjelii ahte sápmelaččaid birgen- ja eallineavttut leat dat buoremusat.

Tom Sottinen,
Dievasčoahkkinjođiheaddji 

Loga dievasčoahkkinjođiheaddji sáhkavuoru Suoma beale Sámedikki 50-jagi ávvudeamis skábmamánu 28. b. 2023