Bargobáiki lea Sámedikki kántursadji Snoasas dahje Árborddis. Eará čoavddus sáhttá leat vejolaš lagat šiehtadusa mielde.
Barggut
Virggi váldobarggut:
- Plánet ja čuovvulit Váibmogiela ja Giellaloktema evttohusaid
- Rávvet ja ovddidit Sámedikki áŋgiruššamiid gielladoaimmaide lullisámegiela áššiide
- Bidjat johtui ja čuovvulit konkrehta gielladoaimmaid
- Plánet ja organiseret konferánssaid ja semináraid
- Doallat oktavuođa ja čoahkkimiid álbmogiin
- Áššemeannudit, raporteret ja evalueret
- Eará fágalaš ovddideapmi Sámedikki giellaáŋgiruššama fágasuorggis
Virgái sáhttet maid biddjot eará barggut mat gullet Sámedikki doibmii.
Virgái gullá mátkkošteapmi.
Gelbbolašvuohta
Virgái gáibiduvvo bachelorgráda dahje sullasaš, muhto unnimusat 3 jagi relevánta bargohárjáneapmi sáhttá muhtun muddui dohkkehuvvot oahppogáibádusa sadjái.
Son guhte virgáduvvo ferte máhttit sámegiela njálmmálaččat, ja dárogiela njálmmálaččat ja čálalaččat. Čálalaš máhttu sámegielas, ja máhttu máttasámegielas deattuhuvvojit.
Muđui gáibiduvvo máhttu sámi servodatdiliid birra, erenomáš dehálaš lea dovdat lullisámeguovlluid servodaga ja gielladili.
Muđui deattuhuvvo:
- Bargohárjáneapmi ja vásáhus giellahálddašanbargguin ja almmolaš hálddašanbargguin
- Buorit gulahallan- ja ovttasbargodáiddut
- Buorre njálmmálaš ja čálalaš ovdanbuktindáidu
- Dáidu bargat iešheanalaččat ja ulbmillaččat
- Veahkkáivuohta
- Persovnnalaš dohkálašvuohta
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1408 vuosttaškonsuleanta dahje 1434 ráđđeaddi.
- Bálkkás gessojuvvo 2 % Stáhta penšuvdnakássii
- Buorit loatna- ja penšunortnegat Stáhta penšunkássas
- Máškidis bargoáigi ja buorit čálgoortnegat
- Buorre bargobiras mas don leat okta váikkuheddjiin
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš. Sámediggi searvá stáhta searvadahttinbargui, ja geahččala oažžut eanet dakkár olbmuid bargui, geain leat váillit ánssuin dahje geain leat fuotnánan doaibmanávccat.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi.
Oktavuohta
Eanet dieđuid virggi birra oaččut go válddát oktavuođa:
Ohcan
Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".
Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.
Oza bargui
Ohcanáigemearri
Guovvamánu 7. beaivvi 2021