Sámediggi ohcá dál du, geas lea beroštupmi gillii ja giellaovdáneapmái, ja guhte barggat jorgalanbargguid main lea alla dássi. 

Giellaossodat lea juhkkojuvvon guovtti juhkosii, juhkosiin lea ovddasvástádus meannudit sámi báikenammaáššiid, jorgalit dárogiela ja sámegiela gaskka, gielladikšumii, giellateknologiijii ja bargat riikkaidgaskasaš giellaáššiiguin.

Sámedikkis leat máŋga kánturbáikki, ja sáhtát ieš válljet guđe kánturbáikkis háliidat bargat, dainna eavttuin ahte kánturbáikkis leat guoros kantuvrrat.

Don gii virgáibiddjot fertet vuordit mátkedoaimmaid barggus.

Barggut

Virggi bargosisdoallu lea jorgalit davvisámegiela ja dárogiela gaskka, alit dásis. Jorgalanbarggut sisttisdollet sihke oaneheabbo teavsttaid jorgalemiid, ja maiddái stuorát bargguid, mat gáibidit giellamáhtu ja -gelbbolašvuođa.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Mii ohcat dakkára geas lea bachelorgráda allaskuvlla dahje universitehta dásis davvisámegielas. Relevánta bargovásáhus sáhttá buhttet oasi oahppogáibádusas.

Mii ohcat dakkára geas lea guhkes vásáhus jorgalanbargguin. Don fertet máhttit sámegiela ja dárogiela čálalaččat ja njálmmálaččat, ja áinnas eará skandinávalaš giela.

Dákkár persovnnalaš iešvuođat deattuhuvvojit.

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 Vuosttaškonsuleanta vai 1434 Ráđđeaddi, vuolgá ohcci bargohárjáneamis ja gelbbolašvuođas

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohcat dása?

Ohcan sáddejuvvo elektrovnnalaččat dán liŋkka bokte: Oza bargui, ja ohcamuša mielde galget biddjot:

• Ohcanreive
• CV – oahppu ja bargovásihusat fertejit devdojuvvot elektrovnnalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrain Risten Turi Aleksandersen
  +47 78 47 40 00 - risten.turi.aleksandersen@samediggi.no
• Fágajođiheddjin (konst.) Mikkel Rasmus Logje
  +47 78 47 40 00 - mikkel.rasmus.logje@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut:

• sámi vuoigŋa 
• rabasvuohta 
• ovttaráđálaččat 
• searvvadeaddji 
• luohtehahtti ja oskkáldas 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Cuoŋománu 10. beaivvi 2023