Stoerretjåanghkoe daejtie 3 faagemoenehtsidie veeljie: soejkesje- jïh finansemoenehtse. Byjjenimmie-, hokse- jïh ööhpehtimmiemoenehtse jïh jieleme- jïh kultuvremoenehtse.
Faagemoenehtsh leah tjåanghkan bïejesovveme gaajhkijste saemiedigkietjirkijijstie. Akte åvtehke jïh akte mubpieåvtehke moenehtsidie veeljesuvvieh. Gosse åvtehke posisjovneste veeljesåvva, mubpieåvtehke opposisjovneste veeljesåvva.
Faagemoenehtse juvnehtimmiem buakta stoerretjåanghkose aamhtesinie mejtie stoerretjåanghkoen ståvroe moenehtsidie seedtie. Fïerhtene aamhtesisnie moenehtsh aamhtesereerijem veeljie.
Moenehtse- jïh stoerretjåanghkoeh
Lissine faagemoenehtsidie aaj gïehtjedimmiemoenehtse, veeljememoenehtse jïh laejhtememoenehtse dåarjoeaamhtesidie.
ArtikkelPublisertDatoFront 10.02.2020 14.13
SistEndret 31.10.2025 09.47