Saemiedigkien stoerretjåanghkoe laejhtememoenehtsen lïhtsegh veeljie, moenehsisnie golme lïhtsegh jïh göökte sæjjasadtjh. Lïhtsegh gelkieh ektine daerpies faageles maahtoem utnedh, dej gaskem daajroe jussen bïjre, saemiengïelen jïh kultuvren bïjre, jïh aaj hijven maahtoe saemien jielemi jïh seabradahken bïjre.

Laejhtemegïetedimmie

Laejhtememoenehtse laejhtemh dåarjoeaamhtesinie gïetede reeremelaaken laejhtemegïetedimmie-njoelkedassi mietie.

Gïetedimmine laejhtememoenehtse vierhtede mejtie nænnoestahke juhteme rïektes jïh nuekies våaroemistie, jïh mejtie njoelkedassh rïekteslaakan provhkesovveme. Laejhtememoenehtse maahta aamhtesem reeremelaaken mieriej sisnie vuartasjidh jïh orre nænnoestahkem juhtedh jis eaktojde illeme.

Åvtelen laejhteme laejhtememoenehtsasse seedtesovveme, suerkie mij voestegh nænnoestahkem dåhkasjadteme vuartesje mejtie lea våarome nænnoestahkem jeatjahtehtedh. Jis tjåadtjoen nænnoestahke, dle aamhtesem laejhtememoenehtsasse seedtie minngemes gïetedæmman. 

Njoelkedassh

Saemiedigkien stoerretjåanghkoe laejhtememoenehtsen gïehtelimmien njoelkedasside mierede, dan nualan dïedte- jïh barkoesuerkieh.

Laejhtememoenehtsen nænnoestahke lea faamosne Saemiedigkien reeremeöörnegen mietie.

Saemiedigkien laejhtememoenehtsen båetije tjåanghkoeh: