Daah edtjieh jïenestimmiereaktam utnedh saemiedigkieveeljemisnie (mieriedimmie saemiedigkieveeljemen bïjre § 18).

Veeljememoenehtsen laavenjassh leah:

• Dïedte ryöjredimmien jïh tjïrrehtimmien åvteste veeljemistie
• Haestemem bæjhkoehtidh læstoeraeriestimmieh sïjse seedtedh (mieriedimmien § 27)
• Kandidaateprievieh bïevnesigujmie lutniestimmiefåantoej bïjre seedtedh (mieriedimmien § 16)
• Læstoeraeriestimmieh jååhkesjidh åvtelen 01.06.21 (mieriedimmien § 32)
• Læstoeraeriestæjjide bïeljelidh jååhkesjimmien bïjre (mieriedimmien § 33)
• Laejhtemh gïetedidh mah leah jååhkesjimmien bïjre læstojste (mieriedimmien § 34)
• Trygkemem hoksedh jïenestimmiesïetelijstie (mieriedimmien § 35)
• Veeljemeilledahkide dåastodh (mieriedimmien § 70)
• Luhpiedimmieprievieh darjodh dejtie tjirkijidie mah leah veeljesovveme (§ 72) Saemiedigkien reereme lea veeljememoenehtsen tjaelemesijjie jïh dejtie praktihkeles laavenjasside dorje

Daah almetjh leah lïhtseginie jïh persovneles sæjjasadtjine nammoehtamme Saemiedigkien veeljememoenehtsasse saemiedigkieveeljemasse 2021:

Lïhtsegh

1. Anita Ravna, NSR, åvtehke
2. Jon Erland Balto, Gaskoehkrirrie, mubpieåvtehke
3. Rolf Johansen, NSR
4. Ragnhild Melleby Aslaksen, Barkijekrirrie
5. Aud Marthinsen, FRP

Persovneles sæjjasadtjh

1. Ann-Mari Thomassen, NSR
2. Ellen Inga O. Hætta, Åelkieskrirrie
3. Trond Einar Karlsen, Árja
4. Sten Jønsson, Barkijekrirrie
5. Kåre Olli, jïjtjeraarehke tjirkije