Saemien parlamentarihkeles raerien noerepolitihkeles raerie

Saemien parlamentarihkeles raerien noerepolitihkeles raerie

Saemien parlamentarihkeles raerie, aamhtesisnie 04/11 9.11.2011, ektie noereraeriem tseegki.

Raeresne edtja noerepolitihkeles aamhtesigujmie barkedh jïh saemien noeri ektie gieline årrodh, dovne gaskenasjonaale jïh Saepmesne. Ulmie lea saemien noeri meatanårromem jïh baajnehtimmiem lissiehtidh.

Raerie edtja tjirkijh meatan utnedh Soemen Saemiedigkien Noerepolitihkeles raereste, Nöörjen Saemiedigkien Noerepolitihkeles moenehtsistie jïh Sveerjen Saemiedigkien Noereraereste. Saemien noerh Russlaanteste edtjieh aaj meatan vaaltasovvedh. Göökte kandidaath fïerhtede laanteste, jïh 1-2 vïhtesjæjjah siebreste Sámi Nurash.

Saemien parlamentarihkeles raerien noerekonferanse öörnesåvva fïerhten mubpien jaepien jïh fïerhte Saemiedigkie lea gåassoehtæjja fïereguhten aejkien. SPR:n noerekonferanse lea ektie saemien noerekonferanse juktie saemien noeri ektievoetem jïh politihkeles eadtjohkevoetem nænnoestidh. Voestes konferanse lij 2004. Vïjhtede konferanse öörnesovvi Tråantesne goevten 8.b. 2017.

Lïhtsegh:

Johannes Rimpi Heinonen, Sveerjen Saemiedigkie, sæjjasadtje: Elle Eriksson
Maria Unnes, Sveerjen Saemiedigkie, sæjjasadtje: Therese Labba
Anni-Sofia Niittyvuopio, Soemen Saemiedigkie, sæjjasadtje: Janita Känsälä
Hansa Ranvna-Pieski, Soemen Saemiedigkie, sæjjasadtje: Eetu Magga
Aina Madelen Nordsletta Aslaksen, Nöörjen Saemiedigkie, sæjjasadtje: Dan-Jonas Sparrok
Elle Rávdná Näkkäläjärvi, Nöörjen Saemiedigkie, sæjjasadtje: Nora Nansmork