Minngemes stoerretjåanghkosne akten saemiedigkieboelhken, Saemiedigkie, raeriestimmien mietie veeljememoenehtsistie, aktem ryöjreden elliesfaamoemoenehtsem veeljie. Moenehtse edtja aktem annjebodts goerehtimmiem darjodh tjirkiji jïh sæjjasadtji elliesfaamojste orre saemiedigkesne – amma gïehtjedidh veeljemh leah reaktoelaakan dorjesovveme, jïh gïehtjedidh gaajhkh tjirkijh reaktam utnieh tjirkijinie årrodh Saemiedigkesne.