Gaajhkesh mah bæjhkoehtieh dah jïjtjemse utnieh goh saemie, jïh
a) saemien hïejmegïeline utnieh, jallh
b) utnieh jallh åtneme eejhtegem, aahka aajjam jallh maadteraahka maadteraajjam saemiengïeline goh hïejmegïele, jallh
c) leah maana aktede almetjistie mij almetjelåhkosne tjåådtje jallh tjåådtjeme maahta krïevedh satne veeljemelåhkoen sïjse tjaalasåvva.
Gaajhkh saemieh Nöörjeste mah bijjelen 18 jaepieh jallh 18 jaepieh illieh veeljemejaepien, reaktam utnieh jïjtjemse veeljemelåhkoen sïjse tjaeledh. Saemieh mah leah staateårrojh jeatjah noerhtelaantine maehtieh veeljemelåhkoen sïjse tjaeledh dastegh dah ruffien 30. b. veeljemejaepien leah tjaalasovveme almetjeregisterisnie goh årrojh Nöörjesne.
Saemieh mah eah leah aktede noerhtelaanteste, maehtieh jïjtjemse veeljemelåhkoen sïjse tjaeledh jis dah leah almetjeregisterisnie tjåådtjeme goh årrojh Nöörjesne doh golme minngemes jaepieh veeljemebiejjien åvtelen.
Registreereme Saemiedigkien veeljemelåhkose dorjesåvva staaten almetjeregisterisnie jïh jis juhtemem almetjeregisterisnie bïeljelh, registreereme datnem meatan fulkie. Jis ih juhtemem bïeljelh almetjeregisterasse, lea læjhkan ajve årromesijjie mij almetjeregisterisnie tjåådtje, mij lea faamosne.
Registreereme gaskeviermien baaktoe
Juktie maehtedh jïjtjemdh registreeredh gaskeviermien baaktoe tjoerh tjaangedh ID-portaaline/MinID
Gosse jïjtjemdh registreerh maahtah birresovvedh utnijenommem jïh baahtsemebaakoem darjodh don byögkeles ID-portaalen tjïrrh. Daate dutnjien baahtsemem vadta digitaale goeride Saemiedigkien gåetiesæjrosne. Ij leah Saemiedigkie mij utnijem kreava, DIFI mij dam kreava.
Saemiedigkie dam adressem almetjelåhkosne nuhtjie mij almetjeregisterisnie tjåådtje. Fåantoe lea veeljemelåhkoe jïenestimmiereaktam vadta jïh dov lea jïenestimmiereakta dennie tjïeltesne gusnie tjåådtje datne leah årroje.
Jis adresse fååtese, datne dov almetjeregistreereme adressem sïjse bïejh dov profijlese. Dellie deadtah dïsse gusnie tjåådtje “redigerh profil” bijjemes åelkiesbielesne, dosse dov adressem bïejh. Jis ih buektehth dam darjodh, dellie deadtah sæjjan “slett bruker” sijjesne “rediger profil”, dellie olkese loggh. Gosse vihth sïjse loggh tjoerh gaajhkh dov bïevnesh orresistie dïsse bïejedh.
Sïjsebïeljelimmie veeljemelåhkose
Registreereme paehperegoeresne
Registreereme paehperegoeresne
Registreeremegoere (åarjelsaemien-daaroen) (PDF, 201 kB)
Naemhtie Saemiedigkie registreeremh Saemiedigkien veeljemelåhkosne gïetede
Saemiedigkien reereme krïevenassh gïetede registreeremen bïjre Saemiedigkien veeljemelåhkose, jïh daate dorjesåvva reeremelaaken njoelkedassi mietie aktegsnænnoestimmien bïjre.
Juktie dan hijven aamhtesereeremem åadtjodh goh gåarede, Saemiedigkie almetjh maadta mah bæjhkoehtimmiem vedtieh nuekie bïevnesh baalte biejieh, jïh eventuelle dokumentasjovnem ihke krïevenassh leah illesovveme. Jis bïevnesh fååtesieh Saemiedigkie sæjhta prieviem seedtedh dïsse gusnie jienebi bïevnesi bïjre maadta.
Maahtah bïevnesh ohtsedh saemien gïelen bïjre goh hïejmegïele almetjeregisterisnie, gærhkoegærjine, slïektegærjine jallh voenegærjine. Gåarede aaj digitaale våarhkojne ohtsedh mah gaskeviermesne gååvnesieh.
Daesnie maahta ohtsedh Digitalarkivesne
Daesnie maahta almetjeryökneminie ohtsedh jaepide 1865, 1875, 1900 jïh 1910 - Registreringssentral for historiske data
Jis dov leah saemien maadtoeladtjh jeatjah laantijste goh Nöörje, maahtah gaskesadtedh fïereguhten laanten staatevåarhkojne.
Saemiedigkie bïevnesidie gïehtjede, jïh jis maedtemem jååhkesjibie sïjhth prieviem dan bïjre åadtjodh. Saemiedigkie aervede aamhtesereereme sæjhta ovrehte golme askh vaesedh daelie.
Registreerememierie
Jis edtjh saemiedigkieveeljemisnie jïenestidh registreerememierie lea ruffien 30.b. veeljemejaepien. Daate lea gïeti-sïjse mierie, jïh dan åvteste tjoerh registreeremem seedtedh guhkiem dan åvtelen.
Registreereme Saemiedigkien veeljemelåhkoen sistie
Jis edtjh jïjtjemdh Saemiedigkien veeljemelåhkoen sistie registreeredh, datne ID-portaalen/MinID sïjse loggh jïh goerem deavhtah:
Registreereme Saemiedigkien veeljemelåhkoen sistie
Laejhteme jis nyöjhkesovveme
Jis leah nyöjhkesovveme jïjtjemdh Saemiedigkien veeljemelåhkoen sïjse tjaeledh, dov lea nuepie nyöjhkemem laejhtedh. Laejhteme seedtesåvva goeresne eannan 3 våhkoeh.
Laejhteme nyöjhkemasse registreeremen bïjre veeljemelåhkoen sïjse
jallh påastesne diekie:
Saemiedigkie - Sametinget
Postboks 3
9735 Kárášjohka
Bïhkedimmie
Jis dov leah gyhtjelassh jallh bïhkedimmiem daarpesjh, gaskesadth Saemiedigkine tell. 78 47 40 00, jallh e-påastesne samediggi@samediggi.no.
Persovnevaarjelimmie
Jis sïjhth bïevnesh dov reaktaj bïjre vuejnedh Saemiedigkien gïetedimmesne dov persovnebïevnesijstie, gïehtjh Saemiedigkien persovnevaarjelimmiebæjhkoehtimmiem. Daesnie maahtah vuesiehtimmien gaavhtan bïevnesh gaavnedh gïehtjemen, staeriedimmien, skubpemen jïh geerestimmien bïjre jïjtse persovnebïevnesijstie, jïh gaskesadtemebïevnesh Saemiedigkien persovnevaarjelimmietjirkijasse.
Aellieh seedth sensitijve jallh tjeakoes bïevnesh e-påastesne.
Lohkh Saemiedigkien persovnevaarjelimmiebæjhkoehtimmiem