Sïjsebïeljelimmie veeljemelåhkose

Sïjsebïeljelimmie veeljemelåhkose

Juktie maehtedh saemiedigkieveeljemisnie steemmadidh tjoerh registreradamme årrodh Saemiedigkien veeljemelåhkosne. 

Sïjsebïeljelimmie gaskeviermien baaktoe

 Juktie maehtedh jïjtjemdh sïjse tjaeledh gaskeviermien baaktoe  tjoerh tjaangedh ID-portaaline/MinID

Tjaangh

Gaajhkesh mah bæjhkoehtieh dah jïjtjemse utnieh goh saemie, jïh

a)  saemien hïejmegïeline utnieh, jallh
b) utnieh jallh åtneme eejhtegem, aahka  aajjam jallh maadteraahka maadteraajjam saemiengïeline goh hïejmegïele, jallh
c) leah maana aktede almetjistie mij almetjelåhkosne tjåådtje jallh tjåådtjeme maahta krïevedh satne veeljemelåhkoen sïjse tjaalasåvva.

Gaajhkh saemieh Nöörjeste mah bijjelen 18 jaepieh jallh 18 jaepieh illieh veeljemejaepien, reaktam utnieh jïjtjemse veeljemelåhkoen sïjse tjaeledh. Saemieh mah lea staateårrojh jeatjah noerhtelaantine maehtieh veeljemelåhkoen sïjse tjaeledh dastegh dah ruffien 30. b. veeljemejaepien leah tjaalasovveme almetjeregisterisnie goh årrojh Nöörjesne.

Saemieh mah eah leah aktede noerhtelaanteste, maehtieh jïjtjemse veeljemelåhkoen sïjse tjaeledh dastegh dah leah almetjeregisterisnie tjåådtjeme goh årrojh Nöörjesne doh golme minngemes jaepieh veeljemebiejjien åvtelen.

Sïjsebïeljelimie paehperegoeren baaktoe

 - Veedtjh pdf-goerem vuelielisnie, dievhtieh dam jïh seedth dam deavhteme goerem dov vuelietjaaleginie Saemiedægkan.

Sïjsebïeljelimmiegoere åarjelsaemien-nöörjen PDF | 205.365 kB

Sistiebïeljelimmie Saemiedigkien veeljemelåhkoste

Juktie jïjtjemdh Saemiedigkien veeljemelåhkoen sistie bïeljelidh, tjoerh e-påastem jallh prieviem seedtedh Saemiedægkan. Datne tjoerh dovne nommem jïh persovnenommerem tjaeledh sistiebïeljelimmesne.