Ávkkálaš dieđut Válgabeaivi lea vuossárgga čakčamánu 13. beaivvi 2021. Olu gielddain/suohkaniin lea maid válgabeaivi sotnabeaivvi čakčamánu 12. beaivvi. Don sáhtát ovdagihtii jienastit miehtá riikka borgemánu 10. beaivvi rájes gitta čakčamánu 10. beaivvi rádjai. Gávnna du lagamus válgalanja ja rahpanáiggiid: valglokaler.no. Muitte váldit fárrui legitimašuvnna go áiggut jienastit. Legitimašuvnnas ferte leat du namma, diehtu goas leat riegádan ja govva. Dus ii dárbbaš leat fárus válgakoarta, muhto jus lea fárus de manná johtileabbo. Lea dehálaš čuovvut njoammueastadannjuolggadusaid ja rávvagiid mat gustojit doppe gos don orut. Muitte doallat gaskkaid ja buhtistit gieđaid go áiggut jienastat. Ále mana jienastanlatnjii jus leat buozas. Maiddái jienasteaddjit geat leat buohccit, isolašuvnnas dahje erremis galget beassat jienastit. Váldde oktavuođa iežat gielddain/suohkaniin oažžun dihtii eanet dieđuid. Váldde oktavuođa válgamielbargiin jus dus leat gažaldagat dahje jus dárbbašat veahki jienastit. Válgamielbargiin lea jávohisvuođageatnegasvuohta. Leat go psyhkalaš dahje fysalaš doaibmahehttejuvvon mii dahká ahte it sáhte okto jienastit? Dalle lea dus vuoigatvuohta oažžut jienastanveahkki válgamielbargis dahje eará olbmos gean ieš válljet. Jus leat dearvvašvuođa- ja fuolahusásahusas de galggat beassat ovdagihtii jienastit doppe. Jus leat buozas dahje bargonávccaheapme, de váldde oktavuođa iežat gielddain/suohkaniin vai beasat ovdalgihtii jienastit ruovttus. Almmuhuvvon 06.07.2021 11.17 Maŋemusat rievdaduvvon 06.07.2021 11.17