Mojhtesetaavla saemien åtnoem ïebnijste vuesehte gusnie nænnoes ïebnh jïh hammoedimmie leah jarngesne. Dïhte edtja guvvine jïh mojhtesinie årrodh saemieh leah aalkoe-åålmege jïjtsh aarvoejgujmie jïh aerpievuekiejgujmie. Vytnesjæjja Martha Jåma mænngan nommevæhtam ditnine klïsseme. Jon Ole Andersen lea moeremieriem dorjeme.

Skåerrie sæjhta histovrijes heannadimmiem vuesiehtidh jïh viehkine årrodh guktie saemiej politihkeles staatuse Nöörjesne vielie våajnoes sjædta jïh jååhkesjimmiem åådtje. Majesteete Gånka Olav V dam vuelietjeeli goh mojhtese 1.saemiedigkien histovrijes rïhpestimmien bïjre.

Faevrie mojhtesh vuesehte saemiej bïjre goh juhtijealmetjh jïh sislaanten almetjh. Skåerrien akte sjïere estetihkeles hammoe, lissine åehpiedehteme oktegh aktem stijlen aarvoem åtna. Mijjieh utnebe skåerrie Gånka Olav V:n vuelietjaaleginie lea vihkeles bielie Saemiedigkien histovrijistie jïh joekoen stoerre symbovleaarvoem åtna.

Mojhtesetaavla skåerreste Majesteete Gånka Olav V:n vuelietjaaleginie golken 9.biejjeste 1989 bieline sjïdti Nöörjen dokumeenteaerpeste 2020.