Reeremen öörneme
Reereme lea saemiedigkieraerien tjïrrehtimmieårgaane. Åejviereereme lea Karasjohkesne, jïh ållesth uktsie kontovresijjieh Finnmarhkesne jïh Romsesne, Nordlaantesne jïh Trööndelagesne. Direktööre reeremen stuvrie mij lea juakaldihkie govhte faagegoevtesinie jïh medtie 150 jaepiebarkoeh åtna. Faagegoevtesh aamhtesereeremem tjïrrehtieh jïh dïenesjh dovne politihkeles åejvieladtjide jïh sïejhme almetjidie vedtieh.
Reeremen gaskem jeatjah daah råållah:
- Saemiedigkien parlameentereereme
- Reereme-aamhtesh saemiedigkieraaran jïh Saemiedigkien stoerretjåanghkose ryöjredidh
- Saemiedigkieraerien politihkeles tjaelemesijjie
- Aamhtesereereme dåarjoste
- Kultuvremojhteselaaken, ööhpehtimmielaaken jïh sijjienommelaaken reeremeårgaane
Faagegoevtesh
Saemiedigkien lea faagegoevtesh mah dïedtem utnieh politihkeevtiedimmien jïh reeremelaavenjassi åvteste dej ovmessie vierhkievierhtieöörnegi sisnjeli budsjedtesne.
Direktööre Saemiedigkien politihkeles tjaelemegoevtese
Rávdná Buljo Gaup
78 47 41 53,
416 45 739
Saemiedigkien politihkeles tjaelemegoevtese
Saemiedigkien politihkeles tjaelemegoevtese edtja sjïehteladtedh, gïehtjedidh jih gorredidh guktie aamhtesh dej ovmessie faagegoevtesi gaskem juhtieh jïh reerije jïh politihkeles ektievoeti gaskem.
Tjaelemegoevtese edtja dam parlamentarihkeles barkoem Saemiedigkesne gorredidh jïh moenehtse- jïh stoerretjåanghkoeh soejkesjidh. Tjaelemegoevtese aaj aamhtesereeremedïedtem åtna Saemiedigkien veeljemelåhkoen åvteste jïh Saemiedigkien rïhpestimmiem organiseerie.
Politihkeles tjaelemegoevtese stuvresåvva goevtesedirektööreste jïh göökte seksjovnh åtna.
- Dokumentasjovne- jïh parlameentereeremeseksjovne
- Politihkeles iktedimmie- jïh sjïehteladtemeseksjovne
Goevtese njieljie ohtsemedåarjoeh reerie
Direktööre byjjenimmie- jïh lïerehtimmie-goevtesisnie
Lisbeth Eira
78 48 42 09,
915 16 723
Byjjenimmie- jïh lïerehtimmiegoevtese
Byjjenimmie- jïh lïerehtimmiegoevtese dïedtem åtna politihkeevtiedimmien åvteste goevtesen dïedtesuerkiej sisnjeli, jïh vierhkievierhtieh reerie suerkiej sisnjeli maanagïerte,maadthlïerehtimmie jïh jollebe ööhpehtimmie.
Byjjenimmie- jïh lïerehtimmiegoevtese 3 ryöktesth dåarjoeh jïh 7 ohtsemedåarjoeh reerie.
Goevtese lea juakaldihkie golme seksjovnine jïh daah leah:
- Maanagïerteseksjovne
- Maadthlïerehtimmieseksjovne
- Jollebe ööhpehtimmie- jïh dotkemeseksjovne
Direktööre jieleme-, kultuvre- jïh healsoegoevtesisnie
Magne Svineng
78 47 41 57,
915 42 098
Jieleme-, kultuvre- jïh healsoegoevtese
Jieleme-, kultuvre- jïh healsoegoevtese dïedtem åtna politihkeevtiedimmien åvteste goevtesen politihkesuerkien sisnjelen. Goevtese vierhkievierhtieh reerie suerkiej sisnjeli jieleme, kultuvre jïh healsoe.
Jieleme-, kultuvre- jïh healsoegoevtese 17 ryöktesth dåarjoeh jïh 15 ohtsemedåarjoeh reerie.
Goevtese lea juakaldihkie njieljie seksjovnine jïh daah leah:
- Jielemeseksjovne
- Kultuvreseksjovne
- Healsoe- jïh sosijaaleseksjovne
- Gærjagåetieseksjovne
Gïelegoevtese
Gïelegoevtese dïedtem åtna politihkeevtiedimmien åvteste goevtesen dïedtesuerkiej sisnjeli, jïh vierhkievierhtieh reerie gïelesuerkien, laavenjostoelatjkoej jïh jeatjah råajvarimmiej sisnjeli.
Gïelegoevtese golme ryöktesth dåarjoeh jïh vïjhte ohtsemedåarjoeh reerie.
Goevtese lea juakaldihkie golme seksjovnine jïh daah leah:
- Sijjienommh- jih gïelesåjhtoeseksjovne
- Gïelereereme jïh -politihkeseksjovne
- Terminologijeseksjovn
Konst. direktööre Kultuvremojhtese-, areaale- jïh byjresegoevtesisnie
Sten Olav Heahtta
78 48 42 24,
906 77 860
Kultuvremojhtese-, areaale- jïh byjresegoevtese
Saemiedigkien dïedte jïh barkoe kultuvremojhtesevaarjelimmien jïh areaale- jïh vierhtiereeremen sisnjeli våaroeminie åtna dam saemien åålmegem krööhkestidh jïh mandaatem mij destie båata. Dennie biejjieladtje barkosne dïedte vååjnesasse båata aaj dejnie joekehts laakine faagesuerkien sisnjelen, gusnie soejkesje- jïh bigkemelaake lea vihkeles laake daesnie.
Kultuvremojhtese,- areaale- jïh byjresegoevtese 2 ohtsemedåarjoeh reerie.
Goevtese lea juakaldihkie golme seksjovnine jïh daah leah:
- Areaale- jïh byjreseseksjovne
- Seksjon for samisk kulturarv
Direktööre gaskenasjonaale goevtesisnie
Hege Fjellheim
78 47 40 47,
994 59 211
Reaktah jïh gaskenasjonaale goevtese
Reaktah jïh gaskenasjonaale goevtese dïedtem åtna politihkeevtiedimmien åvteste goevtesen dïedtesuerkiej sisnjeli, men aaj jeatjah goevtesh viehkehte gaajhkine faagesuerkine. Goevtese gaskem jeatjah dïedtem åtna konsultasjovnelatjkoen åvteste jïh bïhkedimmien åvteste dan bïjre. Goevtese vierhkievierhtieh reerie suerkiej sisnjeli reaktah jïh gaskenasjonaale aamhtesh.
Reaktah jïh gaskenasjonaale goevtese golme ryöktesth dåarjoeh jïh aktem ohtsemedåarjoem reerie.
Goevtese lea juakaldihkie göökte seksjovnine jïh daah leah:
- Reaktahseksjovne
- Gaskenasjonaale seksjovne
Lissine faagegoevtesidie Saemiedigkien daah reerije ektievoeth:
Direktöören staabe
Direktöören staabe lea dåarjoefunksjovne direktöörese jïh aamhtesigujmie barka mejgujmie direktööre jallh åvtehkedåehkie nearhka.
Direktöören staabe ij naan dåarjoeh reerh.
Reeremegoevtese
Reeremegoevtesen åejviedïedte lea hijven jïh kvalitatijve dïenesjh vedtedh jïh sjïehteladtedh guktie dïhte politihkeles jïh reereles daltese edtjieh maehtedh sijjen barkoem bööremeslaakan darjodh. Daan nuelesne goevtese dïedtem åtna faagesuerkiej sisnjeli barkijh jïh baalhka, IKT jïh gïehtelimmie, jearsoevoete, ekonomije jïh budsjedte.
Reeremegoevtese lea juakaldihkie njieljie seksjovnine jïh daah leah:
- IKT- jïh gïehtelimmieseksjovne
- HR-seksjovne
- Ekonomijeseksjovne
- Budsjedte- jïh iktedimmieseksjovne
Magne Svineng, avdeling for næring, kultur og helse, 78 47 41 57, 915 42 098
Hege Schanche, fungerende seksjonsleder, 78 47 41 04, 457 32 726
Gaskesadtemestaabe
Gaskesadtemestaaben lea dïedte bievneme- jïh gaskesadtemebarkoen åvteste Saemiedigkesne.