2 Verdier

Mijjen aarvoeh buerkiestieh guktie edtjebe sinsitnien vööste årrodh jïh sinsitniem gïetedidh dovne sisnjelds jïh byjreskidie. Dah edtjieh våaroeminie årrodh guktie almetji vööste dåemiedibie. Edtja aaj aarvojde guarkedh goh eevre voestegas veanhtadimmieh guktie edtjebe mijjen laavenjassh loetedh. Dah edtjieh abpe organisasjovnem baajnehtidh jïh aelhkie årrodh damtijidh organisasjovne-kultuvresne, våajnoes årrodh jeatjabidie jïh faamosne årrodh gosse hijvenlaakan jïh nåakelaakan jåhta.

Saemiedigkien barkoe saemien seabradahkh nænnoestidh jïh evtiedidh saemien aarvoeh våaroeminie åtna.

Saemiedigkien etihkeles njoelkedassh huksieh aarvoeh buaratjommesasse åtnasuvvieh.

Mijjen aarvoeh mijjem viehkiehtieh reaktoelaakan veeljedh – fïerhten biejjien!

Saemien vuekien mietie – I samisk ånd

Mijjieh saemiengïelem eadtjohkelaakan nuhtjebe jïh eevtjebe jïh veahkahtallebe jïh faegniedibie. Mijjen gïehtelimmie edtja mådtoem jïh nuktehtjevoetem vuesiehtidh.   Mijjieh saemien vuekieh fulkebe goh sinsitniem dïervesjidh, vuejnedh jïh gorredidh.

Ræhpasvoete – Åpen/åpenhet

Mijjieh saemien gellievoetem ræhpasvoetine jïh seahkarimmine dåastobe. Mijjieh sinsitniem leajhtadibie, seahkaribie jïh mijjen gellievoetem jååhkesjibie.

Ektiedahkoe – Samhandling

Mijjieh faageles laavenjostoem jïh hijven barkoebyjresem sjugniedibie mij faageles jååhkesjimmiem jïh bïhkedimmiem vadta dejnie ulmine saemien seabradahkem evtiedidh.

Vïenevoete – Feerhmeles ektievoete – Inkluderende fellesskap

Mijjen lea feerhmeles ektievoete mij relasjovnh jïh viermieh tseegkie. Mijjen ektievoeten våarome leah kontinuiteete, gellievoete, seammavyörtegsvoete jïh boerehkevoete.

Jaahkodsvoete – Pålitelig og lojal

Kvaliteete jïh dïedte leah våarome don barkose mij reeremisnie dorjesåvva. Daate profesjonelle geatskanimmiem kreava barkoelaavenjasside jïh jahkodsvoete don politihkeles almetjeveeljeme ståvrose Saemiedigkesne.