Löönije
Gaajhkesh 15 jaepien båarasåbpoe maehtieh löönemekåarhtem åadtjodh. Maanah 15 jaepien nuerebe tjuerieh tjaaleldh luhpiem eejhtegijstie jallh åelie-almetjijstie åadtjodh.
Jis dov lea nasjonaale löönemekåarhte jeatjh gærjagåeteste maahtah dam nuhtjedh mijjien luvnie. Dle tjoerh jïjtje gærjagåatan båetedh jïh dov nasjonaale löönemekåarhtem meatan utnedh.
Löönijh jeatjah lehkijste laantesne tjuerieh löönemem dongkedh sijjen lïhkemes gærjagåetien tjïrrh.
Almetjh giej lea nuepie materijaalem Saemiedigkien gærjagåeteste Kárášjohk:esne veedtjedh, jïh gïeh leah löönijinie gærjagåatan tjaaleme, maehtieh löönemem dongkedh jis Oria.no tjaengieh.
Sïejhme lööneme-boelhke 5 våhkoeh. Maahtah löönemem orrestidh jis gærjagåetiem gaskesadth jallh «Min konto» tjaangh.
Materijaalen mietie ohtsedh
Datne tjoerh mijjen gærjagåetiesysteemem, Oria, rïhpestidh jis sïjhth materijaalem ohtsedh.
Oria lea ohtsemedïenesje maam datne maahtah nuhtjedh gærjagåetien materijaalem gaavnedh, goh gærjah, artihkelh, aejkietjaalegh, tjaalaldahkh, maahtoegærjah, musihke jïh jielijeguvvieh.
Daesnie gaavnh mijjen gærjagåetiesysteemem Oria
- Ih daarpesjh sïjse tjaangedh litteratuvrem ohtsedh, men jis leah tjaangeme datne maahtah dov löönemh dongkedh jïh reeredh.
- Tjaelieh aktem jallh vielie ohtsemebaakoeh ohtsemesæjjan, vuesiehtimmien gaavhtan tittele, tjaelijenomme jallh aamhtese, dïedth «Søk i Oria».
- Jis sïjhth vihties tittelem provhkh daejtie væhtide «tittel».
- Jis datne vihties gærjam jallh artihkelem ohtsh, mejtie buerebe tjaelijenommem jïh aktem jallh vielie baakoeh titteleste nuhtjedh.
- Veeljh "Avansert søk" dle maahtah vielie nuepieh ovmessie ohtsemebaakoeh nuhtjedh tjïelkebe ohtsemem darjodh.
- Jis sïjhth dov ohtsemem gaertjiedidh, datne maahtah dam darjodh åelkies-bielesne.
Löönemem dongkedh
Almetjh jeatjah lehkesne laantesne tjuerieh löönemem dongkedh sijjen lïhkemes gærjagåetien tjïrrh.
Almetjh giej lea nuepie materijaalem veedtjedh Saemiedigkien gærjagåeteste Kárášjohk:este:
- Dïedth "Tjaangh sïjse" bijjemes åelkieroenesne. Veeljh "utnijenomme jïh baahtsemebaakoe". Löönije-ID lea dov löönemekåarhtenummere.
- Ohtsh dle materijaalem datne sïjhth dongkedh.
- Læstosne "Finn og bestill" datne dïedth "Bestill dokument".
- Datne jååhkesjh gåessie dïedth "Bestill dokument".
- Datne bïevnesem åadtjoeh gåessie maahtah materijaalem veedtjedh Saemiedigkien gærjagåeteste Kárášjohk:esne.
Gærjagåetieohtseme
Gærjagåetieohtseme lea dïenesje Nasjonaalegærjagåeteste. Gærjagåetieohtseme edtja baahtsemem vedtedh nöörjen gærjagåetiekatalogidie, nuepie litteratuvrem gaajhkijste nöörjen gærjagåetijste löönedh, jïh rïekte baahtsemem vearman litteratuvrese mij lea Nasjonaalegærjagåetesne digitaliseereme. Datne aaj gaavnh Saemiedigkien gærjagåetien våarhkoem gærjagåetieohtsemen tjïrrh.
Ohtsh gærjagåetieohtsemen tjïrrh
Lohkh vielie gærjagåetieohtsemen bïjre