Materijellem ohtsedh
Jis edtjh lidteratuvrem ohtsedh tjoerh mijjen gærjagåetiesysteemem Oria rïhpestidh.
Oria lea ohtsemedïenesje maam maahtah nuhtjedh gærjagåetien materijellem gaavnedh, goh gærjah, tjaalegh, aejkietjaalegh, dotkemetjaalegh, bïevnesegærjah, musihke jïh filmh.
Daesnie mijjen gærjagåetiesysteemem Oria gaavnh
- Ih daarpesjh sïjse loggedh jis edtjh lidteratuvrem ohtsedh, men gosse jïjtjemdh sïjse loggeme maahtah dongkedh jïh dov löönemh reeredh.
- Tjaelieh aktem jallh jienebh ohtsemebaakoeh ohtsemesijjesne, goh tihtele, tjaelijen nomme jallh teema, diedtieh «Søk i Oria».
- Gosse vihties tihtelem ohtsh, nuhtjh heeremevæhtam «tihtele».
- Jis vihties gærjam jallh tjaalegem ohtsh, maahta væjsehke årrodh tjaelijen nommem jïh aktem jallh jienebh baakoeh tihtelistie nuhtjedh.
- Jis Avansert søk veeljh datne jienebh nuepieh gaavnh guktie maahtah ohtsedh viehkine jienebh ohtsemebaakoeh ektesne nuhtjedh.
- Jis edtjh ohtsemem gaertjiedidh jïh dam tjyölkehkåbpoe darjodh maahtah dam åelkiesbielesne darjodh.
Löönemem dongkedh
Aktegsalmetjh jeatjah sijjine laantesne tjuerieh löönemem dongkedh sijjen lïhkemes gærjagåetien tjïrrh.
Aktegsalmetjh gïeh nuepiem utnieh materijellem veedtjedh Saemiedigkien gærjagåetesne Karasjohkesne:
- Diedtieh «Logg på» bijjemes åelkiesroenesne. Veeljh «Brukernavn og passord» goh sïjseloggeme. BrukerID lea dov löönemekåarhtenommere.
- Ohtsh materijellem maam sïjhth dongkedh.
- Menyjesne «Finn og bestill» deadtah «Bestill dokument».
- Vihtesth vihkine diedtedh «Bestill dokument».
- Datne bïevnesem åadtjoeh gåessie maahtah materijellem Saemiedigkien gærjagåetesne Karasjohkesne veedtjedh.
- Jis leah dov baahtsemebaakoem åajaldamme, maahtah dam daesnie jarkelidh.
- Jis viehkiem daarpesjh dov utnijenommem gaavnedh, gaskesadth mijjine sambib@samediggi.no
Biblioteksøk
Biblioteksøk lea dïenesje Nasjonalbibliotekeste. Biblioteksøk edtja aktem tjaangemem vedtedh nöörjen gærjagåetiekatalogide, nuepiem vedtedh lidteratuvrem löönedh gaajhkh nöörjen gærjagåetijste, jïh ryöktesth baahtsemem nedtesne vedtedh lidteratuvrese maam lea digitaliseereme Nasjonalbibliotekesne. Datne aaj Saemiedigkien våarhkoem gaavnh sijjesne biblioteksøk.
Ohtsh sijjesne biblioteksøk daesnie.
Lohkh vielie faalenassen bïjre biblioteksøk daesnie.