Lissiehtamme baalhkadåarjoe saemien maanagïertide jïh goevtesidie

Lissiehtamme baalhkadåarjoe saemien maanagïertide jïh goevtesidie

Saemiedigkie aalkoebæjhkoehtimmiem Biejjienaalkoe bæjjese fulkie jïh beetnehdåarjoem saemiengïeleldh maahtoen åvteste lissehte dåarjoeöörnegisnie saemien maanagïertide jïh goevtesidie, jïh tseegkemedåarjoem lissiehtidh. – Mijjieh dåårrehtimmiebarkoem jïh barkoem saemien gïeli åvteste nænnoestibie saemien maanagïertine, saemiedigkieraerie Mikkel Eskil Mikkelsen (NSR) jeahta.

Saemiedigkieraerie beetnehdåarjoem lissehte dåarjoeöörnegisnie Dåarjoe saemien maanagïertide jïh goevtesidie, jïh 16 000 kråvnah vielie vadta göökte saemiengïeleldh barkiji raajan. Fïerhte maanagïerte jïh goevtese maahta dåarjoem ohtsedh 2 barkiji raajan fïerhten goevtesasse. Daate sæjhta lissiehtamme baalhkadåarjoem vedtedh 32 saemien maanagïertide jïh goevtesidie bïjre jarkan saemien seabradahkesne.

– Daelie maanagïertide nuepiem vedtebe baalhkanjieptjide lissiehtidh, seamma tïjjen goh Saemiedigkie stuerebe kvaliteetebarkojne gïehtele maanagïerteprosjektine SáMOS. Naemhtie hijven våaromem bïejebe gïelebarkojne maanagïertine lyhkesidh, Mikkelsen jeahta.

Lissiehtamme dåarjoe tseegkemasse saemien maanagïertefaalenasseste

Seamma tïjjen beetnehdåarjoe læssene tseegkemasse saemien maanagïertefaalenasseste 300 000 kråvnaj raejeste 500 000 kråvnaj raajan dåarjoeöörnegen sisnjelen Dåarjoe prosjektide jïh evtiedimmiebarkose.

Mikkelsen tjierteste jienebh saemien maanagïertefaalenassh leah daerpies.

– Mijjieh dåarjoem lissiehtibie tseegkemasse saemien maanagïertefaalenasseste juktie maanagïerteaajhteridie skreejrehtieh jienebh faalenassh vijriedidh jïh sjugniedidh. Manne gegkestem illedahke sjædta tjïelke tseegkemh, mah huksieh jienebh saemien maanah faalenassem åadtjoeh saemien maanagïertesijjiej bïjre.

Maahtoe jïh dåårrehtimmie vihkele

Saemiedigkieraerie lea sov aalkoebæjhkoehtimmesne Biejjienaalkoe råajvarimmieh prioriteereme juktie maahtoeaehpiem saemien maanagïertine jïh skuvline dåastodh. Biejjienaalkoe jeahta dah edtjieh jollebe baalhkanjieptjien åvteste barkedh maanagïertelohkehtæjjide jïh maadthskuvlelohkehtæjjide. Mikkelsen jeahta lissiehtimmie beetnehvierhtijste saemiengïeleldh barkijidie lea vihkeles råajvarimmie juktie maahtoeaehpiem dåastodh.

– Akte mijjen stööremes laavenjassijste lea barkedh ihke maanah jïh noerh hijven saemiengïeleldh faalenassem åadtjoeh maanagïertine, dan åvteste desnie hov gïelebarkoe gellielaakan aalka. Dan åvteste tjoerebe hoksedh maanagïerth leah aateaktijve barkoesijjieh.

Bielie stuerebe barkoste

Laavenjostoeguejmieh Biejjienaalkoelaavenjostosne leah tjïertestamme saemien maanagïerth leah sjïere barkoesuerkie daan saemiedigkieboelhken. Mikkelsen jeahta dan gaavhtan akte dååjvehtasse jienebi råajvarimmiejgujmie nierhkedh.

– Beetnehdåarjoem lissiehtidh mijjen dåarjoeöörneginie lea voestes sïlle, mubpie sïlle sæjhta årrodh barkojne nierhkedh namhtah saemien maanagïertine. Dejnie manne gegkestem jienebh saemien maanah sov reaktam  maanagïertefaalenassese åadtjoeh mij saemien gïelem jïh kultuvrem våaroemisnie åtna.

Jis gihtjehtimmie jallh gyhtjelassh, gaskesadth saemiedigkieraeriem Mikkel Eskil Mikkelsen (NSR), tlf. +47 917 42 161, mikkel.eskil.mikkelsen@samediggi.no