Saetniesvoete jïh likteme – Tsegkie 1: Daajroe jïh bievnemeLissiehtamme daajroe saemien tsiehkiej jïh daaroedehtemepolitihken bïjre sæjhta hijven vuekie årrodh ov-vååjnedehtemem jïh unnebevyörtegsdomtesem dåvvodh, jïh veahkam sïerredimmeste jïh saemielaavsemistie giehpiedidh.Lohkh stoerretjåanghkoeaamhtesem: Saetniesvoete jïh likteme – Tsegkie 1. Daajroe jïh liktemeGïetesåvva Byjjenimmie-, hokse- jïh ööhpehtimmiemoenehtsisnie.Tjåadtjoehtæjja: raerielïhtsege Mikkel Eskil MikkelsenSaemiedigkieraerie kommisjovnen raeriestimmiem råajvarimmide dåarjohte gamte bievnemen bïjre saemien histovrijeste jïh seabradahkejieliedistie, daan nuelesne daaroedehtemen bïjre. Daate tjuara skuvlen tjïrrh dorjesovvedh, men aaj bievnemen tjïrrh abpe seabradahkese. Tjuara dåarjoematerijellem, gærjah jïh faagelidteratuvrem saemien teemaj bïjre lissiehtidh, aaj voenges histovrijebievnieminie.Saemiedigkie lissine raereste universiteeth jïh jïlleskuvlh dam saemien sisvegem sijjen ööhpehtimmine nænnoestieh, jïh museumh jïh bievnemeinstitusjovnh buerebe ekonomeles eaktoeh åadtjoeh sijjen bievnemen saemien gieleste, kultuvreste jïh seabradahkejieliedistie nænnoestidh. ArtikkelPublisertDatoFront 07.02.2024 10.14 SistEndret 28.02.2024 13.54