Mii fállat "drop-in" ofelastimiid Sámedikkis Kárášjogas dii. 13 disdagaid, gaskavahkuid ja duorastagaid. Dat mearkkaša ahte ii dárbbaš dieđihit iežas ofelastimii ovdalgihtii. 

Ofelastingiella lea dárogiella, sámegiella ja eŋgelasgiella. Ofelastin bistá birrasii 30 minuvtta. Ovtta joavkkus sáhttet leat eanemusat 25 olbmo mielde. Ofelastin lea nuvttá.

Ofelastin geasset 2024

Geasseáigodagas fállá Sámediggi ofelastimiid guđa geardde beaivái juohke árgabeaivvi (mánnodagas bearjadahkii). Geasseáigodat lea geassemánu 24. b rájes gitta borgemánu 16. b. 2024 rádjái 2024.  Jus háliida ofelastima, de galgá boahtit resepšuvdnii, ii dárbbaš dieđihit searvama ovdagihtii. 

• Dii. 08.30
• Dii. 09.30
• Dii. 10.30
• Dii. 12.30
• Dii. 13.30
• Dii. 14.30

Ii ofelastin dievasčoahkkinvahkuid

Dađi bahábut ii leat ofelastin daid vahkuid go Sámedikkis lea dievasčoahkkin.

Dievasčoahkkinbeaivvit 2024:s:

Vahkku 10: Njukčamánu 5. - 8. b.
Vahkku 23: Geassemánu 11. - 14. b.
Vahkku 39: Čakčamánu 25. - 27. b.
Vahkku 49: Juovlamánu 3. - 6. b.

Loga artihkkala Sámedikki arkitektuvrra birra
Loga artihkkala Sámedikki dáidaga birra

Heivehuvvon fálaldat joavkkuide

Nuoraidceahki ja joatkkaskuvlla ohppiide ja luohkáide, organisašuvnnaide, ásahusaide ja mediaide mii fállat heivehuvvon ofelastima, oktan oanehis logaldallama Sámedikki, sámepolitihka ja eará relevánta fáttáid birra. Fálaldat heivehuvvo áiggis áigái hálddahusa kapasitehtii ja politihkalaš doaimmaide sámediggevisttis.

Váldde oktavuođa Sámedikkiin jus dus leat earenoamáš dárbbut.

Rabas čoahkkimat

Sámedikki dievasčoahkkimat ja lávdegoddečoahkkimat leat rahpasat guldaleddjiide. Dábálaččat leat njeallje dievasčoahkkima ja lávdegoddečoahkkima jagis. Čoahkkimiid áigge lea Sámedikki kantiina rabas, maiddái guldaleddjiide.

Sámedikki girjerádju

Sámedikki girjerádju, mas maid leat lohkansajit, lea rabas dii. 09.00 - 15.30 geavaheddjiid várás.

Loga eanet Sámedikki girjerádjosa birra

Sámedikki kanturbáikkit

Lassin sámediggevissui Kárášjogas, de leat Sámedikkis gávcci kanturbáikki.

Loga eanet Sámedikki kanturbáikkiid birra

Galledančujuhus

Ávjovárgeaidnu 50, Karasjok