Loga publikašuvnna: Sámedikki statistihkka (PDF, 13 MB)

Sámedikki doarjjaortnegat galget nannet lassáneami ja positiivvalaš ovdáneami sámi báikkálaš servodagain, lassin dasa ahte sihkkarastit sámi vuoigatvuođaid ja beroštumiid olles Norggas. Sámediggi juolluda jahkásaččat máŋga čuođi miljovnna ruvnno vuostáiváldiide daid iešguđet stipeanda- ja doarjjaortnegiid bokte. Sámedikki statistihkka ovdanbuktá daid stuorámus doarjjaortnegiid, ja addá oppalašgova man olu juolluduvvo ja makkár gielddaide/suohkaniidda. 

Statistihkka lea juhkkojuvvon čieža kapihttalii, mat fas leat juhkkojuvvon golmma oassekapihttalii. Dáin kapihttaliin leat dat stuorimus doarjjaortnegat ovdanbuktojuvvon: giella, vuođđooahpahus, mánáidgárddit, eláhusat ja kultuvra. Oassekapihttaliin čájehuvvojit obbalaš juolludusat, ohcanvuđot doarjagat ja njuolggodoarjagat, ja movt dat leat juhkkojuvvon geográfalaččat ja áiggi mielde.

Buot logut leat vižžojuvvon Sámedikki iežas doarjjadatabasas Access. Sámedikki hálddahus dat lea ráhkadan dán diehtočállosa. 

Sámediggi lea interaktiiva kártta bokte ráhkadan oppalašgova man olu doarjaga juohke suohkan/gielda oažžu iešguđet oktavuođain. Mii guoská suohkaniidda/gielddaide mat dán áigodagas leat oktiičaskojuvvon eará suohkaniiguin/gielddaiguin; daid doarjagat leat dan ođđa suohkana/gieldda vuolde. Dás sáhtát oaidnit man olu Sámediggi juolluda du suohkanii/gildii:

Loga maid ovdalaš statistihkaid:

Sámedikki statistihkka - 2. publikašuvdna (cuoŋománnu 2018)
Sámedikki statistihkka - 1. publikašuvdna (borgemánnu 2017)