Dat mearkkaša ahte ii dárbbaš dieđihit iežas ofelastimii ovdalgihtii. Dađi bahábut ii leat ofelastin daid vahkuid go Sámedikkis lea dievasčoahkkin.

Dievasčoahkkimat 2023:s:

Vahkku 10: Njukčamánu 6. - 10. b., dievasčoahkkin
Vahkku 23: Geassemánu 5. - 9. b., lávdegoddečoahkkimat ja dievasčoahkkin
Vahkku 39: Čakčamánu 25. - 29. b, lávdegoddečoahkkimat ja dievasčoahkkin
Vahkku 49: Juovlamánu 4. - 8. b, dievasčoahkkin

Ofelastingiella lea dárogiella, sámegiella ja eŋgelasgiella. Ofelastin bistá birrasii 30 minuvtta. Ovtta joavkkus sáhttet leat eanemusat 25 olbmo mielde. Ofelastin lea nuvttá.

Loga artihkkala Sámedikki arkitektuvrra birra
Loga artihkkala Sámedikki dáidaga birra

Heivehuvvon fálaldat joavkkuide

Nuoraidceahki ja joatkkaskuvlla ohppiide ja luohkáide, organisašuvnnaide, ásahusaide ja mediaide mii fállat heivehuvvon ofelastima, oktan oanehis logaldallama Sámedikki, sámepolitihka ja eará relevánta fáttáid birra. Fálaldat heivehuvvo áiggis áigái hálddahusa kapasitehtii ja politihkalaš doaimmaide sámediggevisttis.

Váldde oktavuođa Sámedikkiin jus dus leat earenoamáš dárbbut.

Rabas čoahkkimat

Sámedikki dievasčoahkkimat ja lávdegoddečoahkkimat leat rahpasat guldaleddjiide. Dábálaččat leat njeallje dievasčoahkkima ja lávdegoddečoahkkima jagis. Čoahkkimiid áigge lea Sámedikki kantiina rabas, maiddái guldaleddjiide.

Sámedikki girjerádju

Sámedikki girjerádju, mas maid leat lohkansajit, lea rabas dii. 09.00 - 15.30 geavaheddjiid várás.

Loga eanet Sámedikki girjerádjosa birra

Sámedikki kanturbáikkit

Lassin sámediggevissui Kárášjogas, de leat Sámedikkis gávcci kanturbáikki.

Loga eanet Sámedikki kanturbáikkiid birra

Galledančujuhus

Ávjovárgeaidnu 50, Karasjok