Ohcanáigemearri

• Rabas ohcanáigemearri 01.11.2024 dii. 16.00.
• Ohcamat meannuduvvojit dađistaga go bohtet ja ovdal golbma mánu leat gollan.

Ohccit fertejit logget sisa ID-porten bokte.

Ohcanskovvi (gáibida sisaloggema)

Dán ortnega njuolggadusat 

1 Doarjjaortnega mihttu ja vuoruheamit

1.1 Doarjjaortnega mihttu

• Árjjalaš ja ulbmildiđolaš ovttasbargu regionála ja báikkálaš eiseválddiiguin nannen ja ovddidan dihtii sámi kultuvrra, giela ja servodateallima.

1.2 Vuoruheamit

• Prošeavttat mat ovdánahttet sámi giela, kultuvrra ja servodateallima dain fylkkagielddain maiguin Sámedikkis lea ovttasbargošiehtadus.
• Prošeavttat mat ovdánahttet sámi giela, kultuvrra ja servodateallima dain gávpotsuohkaniin maiguin Sámedikkis lea ovttasbargošiehtadus.

1.3 Ulbmilolahusa eavttut

• Sámi servodatovdáneami kvalitatiivvalaš árvvoštallan áiggi badjel.
• Ovttasbargoprošeavttaid lohku fylkkagielddaiguin nannen dihtii sámi kultuvrra, giela ja servodateallima.
• Ovttasbargoprošeavttaid lohku gávpotgielddaiguin nannen dihtii sámi giela, kultuvrra ja servodateallima.

2 Ohcama hápmi ja sisdoallu

2.1 Doarjjaoažžu / Gii sáhttá ohcat

• Fitnodagat, ásahusat, organisašuvnnat gielddain ja fylkagielddain maiguin Sámedikkis lea ovttasbargošiehtadus.
• Fitnodagat, ásahusat ja organisašuvnnat mat ožžot doarjaga galget leat registrerejuvvon Norgga Ovttadatregistarii.

2.2 Ohcanáigemearri

• Sámediggeráđđi mearrida ohcanáigemeari.

2.3 Gáibádusat ohcamii

• Ohcama galgá sáddet Sámedikki doarjjaportála bokte.
• Ohcamat mat eai ollašuhte ohcaneavttuid, hilgojuvvojit.
• Ohcan galgá leat Sámedikki doarjjaortnega vuoruhemiid siskkobealde.
• Prošeavtta/doaibmabiju ollislaš gollomeroštus ja ruhtadanplána galgá čuovvut ohcama, maiddái eará vejolaš almmolaš ruhtadeamit.
• Gollogeahčastaga golut galget dokumenterejuvvot haddefálaldagaiguin.
• Prošeaktačilgehus mii čilge prošeavtta ulbmila, fágalaš sisdoalu, ulbmiljoavkku, ovdánanplána ja plánejuvvon gárvvistanáigemeari.
• Ođasmahtton rehketdoallu galgá leat mielddusin ohcamis.
• Sus guhte vuolláičállá ohcama, ferte leat fápmudus geatnegahttit fitnodaga/ásahusa.
• Ohcan ferte leat sáddejuvvon Sámedikki doarjjaportálas ovdalgo prošeakta/doaibma álggahuvvo.
• Go ohcá doarjaga konsearttaid, lágidemiid ja sullasaččaid čađaheapmái, de ferte ohcama sáddet Sámedikki doarjjaportálas unnimusat mánu ovdal go lágideapmi čađahuvvo.
• Ohcci lea geatnegahttojuvvon addit buot dieđuid mat leat dárbbašlaččat ohcama meannudeapmái.
• Ohcamis galgá čilget movt prošeakta vuhtiiváldá guoddevašvuođa/birgejumi.

3 Ohcamiid meannudeapmi

3.1 Ohcamiid meannudeapmi

• Ohcamat árvvoštallojuvvojit guoddevašvuođa, ekonomalaš, márkanlaš, teknihkalaš, servodatlaš, ehtalaš, fágalaš sisdoalu, ámmátčehppodaga ja kvalitehta eará guoskevaš beliid vuođul. Sámediggi deattuha earenoamážit dásseárvo- ja máŋggabealatperspektiivva áššemeannudeami oktavuođas.
• Sámediggi viežžá kredihttadieđuid ohcci birra.
• Váilevaš raporteremat ja gárvvisteami maŋŋoneamit ovddeš doarjjaáššiin sáhttet váikkuhit ohcama meannudeapmái.
• Meannudanáigi:
• Doarjjaortnegat main lea rabas ohcanáigemearri meannuduvvojit dađistaga ja golmma mánu sisa dan rájes go ohcan lea sáddejuvvon.
• Doarjjaortnegat main lea ohcanáigemearri meannuduvvojit golmma mánu sisa maŋŋil ohcanáigemeari.
• Sámediggi sáhttá sihtat eanet duođaštusaid jus lea dárbu.
• Iežas barggu viidodat galgá árvvoštallojuvvot dalle go ohcá ja galgá čilgejuvvot ohcamis. Iežas barggu oktavuođas gáibiduvvojit vuolláičállojuvvon diibmolisttut ja mearriduvvon diibmobálká.
• Sámediggi váldá várašumi das ahte ohcansubmi ja prošeavtta viidodat sáhttá muddejuvvot oassin doarjjaruđaid ollislaš rámma árvvoštallamis.

3.2 Mearrádus ja dohkkeheapmi

• Doarjjaoažžu galgá 3 vahku sisa mearrádusdáhtona rájes dohkkehit doarjjaeavttuid Sámedikki doarjjaportálas. Jus Sámediggi ii oaččo eavttuid dohkkeheami, de sáhttá doarjja sihkkojuvvot duođi eanet dieđitkeahttá.
• Sus guhte vuolláičállá doarjjaeavttuid, ferte leat fápmudus geatnegahttit fitnodaga/ásahusa.

3.3 Eavttut doarjjaožžui

• Doarjjaoažžu galgá almmuhit ahte Sámediggi lea dorjon prošeavtta/doaibmabiju.
• Seamma prošeakta/doaibmabidju ii sáhte oažžut doarjaga máŋga doarjjaortnega bokte Sámedikkis.
• Prošeakta/doaibmabidju mii lea ožžon doarjaga Sámedikkis, ii sáhte seamma ulbmilii oažžut eanet doarjaga.

3.4 Gárvvistanáigemearri

• Prošeavtta gárvvistanáigemearri lea jagi dan rájes go doarjjareivve lea sáddejuvvon.
• Erenoamáš ákkaid vuođul sáhttá doarjjaoažžu čálalaččat ohcat guhkidit prošeavtta/doaibmabiju gárvvistanáigemeari, gitta guovtti jahkái. Ohcan galgá vuođustuvvot.

3.5 Rievdadusat doarjjaeavttuin

• Doarjjaoažžu ii sáhte dahkat mearkkašahtti rievdadusaid guoskevaš prošeavttas dahje doaibmabijus ovdalgo lea čálalaččat dieđihan Sámediggái ja Sámediggi lea dohkkehan. Dohkkehuvvon ruhtadanplána ja investerenplána rievdadeapmi lohkkojuvvo álo mearkkašahtti rievdadussan.

3.6 Máksineavttut

• 50 % doarjagis máksojuvvo dalle go prošeakta/doaibmabidju álggahuvvo ja 50 % dalle go prošeakta lea loahpahuvvon ja go Sámediggi lea dohkkehan raportta ja rehketdoalu.
• Jos ohcci lea ovdal ožžon doarjaga Sámedikkis ja rihkkon doarjjaeavttuid, de sáhttá dat dagahit ahte máksimat bissehuvvojit dassážiigo eavttut čuvvojuvvojit.

4 Meroštallannjuolggadusat, definišuvnnat ja EEO-njuolggadusat

4.1 Meroštallannjuolggadusat

• Prošeavttaid ja doaibmabijuid doarjaga vuolit rádji lea 30 000 ru.
• Sámediggi ii oassálaste prošeavttaid ruhtadeapmái main gollomeroštus lea badjel 8 000 000 ru.
• Sámediggi sáhttá addit gitta 40 % doarjaga dohkkehuvvon gollomeroštusas, eanemusat gitta 400 000 ru rádjái.
• Iežas bargu ii sáhte leat eanet go 20 % dohkkehuvvon prošeaktagoluin. Gáibiduvvojit vuolláičállojuvvon diibmolisttut. Iežas barggu viidodat galgá árvvoštallojuvvot dalle go ohcá ja čilgejuvvot ohcamis. Sámediggi árvvoštallá iežas barggu sierra juohke ohcamis, dát guoská maiddái iežaskapitálii.

4.2 Definišuvnnat

• Ii addojuvvo doarjja vuođđoinvesteremiidda, vuodjinfievrruide, vuodjinkortii, gálvogoluide, bajásdoallamii, doaibmagoluide, sosiálagoluide, doaibmabijuide mat botnjet gilvvohallama, láigovisttiide, rádjovisttiide, reaidovisttiide, opmodatoastimiidda, liisemii, čielga lonuhemiide, adnojuvvon mašiinnaide ja biergasiidda, dábálaš bálkágoluide, vuođđoohppui ja doaibmabijuide mat ruhtaduvvojit almmolaš bušeahtaid bokte.
• Ii addojuvvo doarjja oassálastit kurssaide, semináraide ja konferánssaide.
• Ii sáhte ohcat sponsorruđa ortnega bokte.
• Doaibmagollun lohkkojuvvojit: rehketdoallo- ja revišuvdnabálkkát, reantogolut, divadat, eará finánsagolut, vearro- ja divatgolut, elrávdnji, lokálagolut, dáhkádusat, penšuvdnagolut, sosiálagolut, eará bargiidgolut, stivrabálkkát, stivragolut, fitnodatčoahkkin- ja váldočoahkkingolut, árvonjeaidimat ja -geahpedeamit.
• Sosiálagollun lohkkojuvvojit: bargiid skeaŋkkat, bargiid kurssat, friija kantiidna ja eará sullasaš ovddut.
• Vuodjinfievrun lohkkojuvvojit: Vuodjinfievrrut mat leat vuodjinfievroláhkaásahusa nuppi kapihttala mielde FOR-1994-10-04-918 Láhka teknihkalaš gáibádusaid ja fievrruid, osiid ja biergasiid dohkkeheami birra (vuodjinfievroláhkaásahus).

4.3 EEO-njuolggadusat

• Sámedikki doarjjaortnegat fertejit leat EEO-šiehtadusa njuolggadusaid rámmaid siskkobealde stáhta doarjaga hárrái. Sámediggái gusket EEO-šiehtadusa mearrádusat seamma láhkai go earáide stáhta-, gieldda-, ja fylkkahálddašeamis dan hárrái movt almmolaš doarjagat galget juolluduvvot.
• Doarjja sáhttá muhtun oktavuođain juolluduvvot EEO-šiehtadusa njuolggadusaid vuođul binnánaš doarjagiid birra. Njuolggadusat binnánaš doarjagiid birra leat skábmamánu 14. beaivvi 2008 láhkaásahusas nr 1213. Dáid njuolggadusaid vuođul ii sáhte doarjjaoažžu vuostáiváldit binnánaš doarjaga eanet go oktiibuot 200 000 euro ovddas 3 rehketdoallojagi áigodagas.
• Ovdalgo doarjja máksojuvvo, ferte doarjjaoažžu duođaštit Sámediggái ahte ii oaččo binnánaš doarjaga eará sajis máksinjagi dahje guovtti ovddit jagis mat oktiibuot Sámedikki doarjagiin gaskamearálaččat leat eanet go 600 000 norgga ruvnno. Vejolaš ođđa almmolaš doarjjaohcamiid oktavuođas (beroškeahttá gos oažžu doarjaga) lea doarjjaoažžus geatnegasvuohta dieđihit dán doarjaga birra. Dieđihangeasku gusto 3 rehketdoallojagi fálaldatáiggi rájes.
• ESA sáhttá gohččut Sámedikki gáibidit doarjaga ruovttoluotta doarjjaoažžus jos doarjja ii leat addojuvvon njuolggadusaid mielde dahje jos doarjjaoažžu ii geavat doarjaga dan ulbmilii masa lea addojuvvon.

5 Raporteren

5.1 Ulbmilolahusa raporteren

• Doarjjaoažžu raportere bohtosiid prošeavtta/doaibmabiju mihtu ektui.
• Buot raporteren galgá dahkkojuvvot Sámedikki doarjjaportálas.

5.2 Rehketdoalu raporteren

• Doarjjaoažžu galgá Sámedikki doarjjaportála bokte raporteret ruđaid geavaheami.
• Ruhtageavaheami rehketdoallu galgá čájehit ollislaš goluid ja dietnasa. Dasa gullet prošeavtta/ doaibmabiju eará vejolaš doarjagat ja dietnasat. Rehketdollui galgá váldit mielde dušše dakkár goluid ja dietnasiid mat njuolga gusket prošeavtta/doaibmabiju čađaheapmái.
• Dalle go lea dohkkehuvvon gollomeroštus, galgá rehketdoallu leat bardojuvvon nu ahte dan sáhttá buohtastahttit gollomeroštusain. Stuorra spiehkastagaid dohkkehuvvon gollomeroštusa ja rehketdoalu gaskka galgá kommenteret.
• Jos prošeavtta/doaibmabiju rehketdoalu loahpalaš golut leat unnit go dohkkehuvvon gollomeroštus mii boahtá ovdan mearrádusas, de unnida Sámediggi doarjaga vásttolaččat.
• Ruhtageavaheami rehketdoalu galgá duođaštit ná:
• Vuollel 50 000 ruvdnosaš doarjaga ruhtageavaheami sáhttá duođaštit dohkkehuvvon rehkegiin ja báŋkoduođaštusain ahte rehket lea máksojuvvon.
• Badjel 50 000 ruvdnosaš doarjaga ruhtageavaheami duođašta autoriserejuvvon rehketdoalli dahje stáhtaautoriserejuvvon revisora.
• Revišuvdnagáibádus ii guoskka ásahusaide maid suohkanrevišuvdna ja Riikarevišuvdna reviderejit.
• Doarjjaoažžu gii leat registrerejuvvon lassiárvodivatregistaris, galgá rehketdoalus čájehit goluid ja dietnasiid momssa haga. Dát ii guoskka sidjiide geat leat luvvejuvvon lassiárvodivadis dahje ožžot spiehkastit lassiárvodivada rehkenastimis.
• Iežas barggu raporterema oktavuođas gáibiduvvojit vuolláičállojuvvon diibmolisttut. Diibmolisttuid deavdá Sámedikki doarjjaportálii.

5.3 Čuovvuleapmi ja árvvoštallan

• Sámediggi sáhttá dárkkistit geavahuvvojit go ruđat eavttuid mielde.
• Sámediggi sáhttá sihtat eanet dieđuid. Dát guoská dieđuide mat galget geavahuvvot statistihkas ja eará raporteremii.

5.4 Doarjaga ruovttoluotta máksin ja sihkkun

• Go prošeakta loahpahuvvo, de galget geavatkeahtes doarjjaruđat máksojuvvot ruovttoluotta Sámediggái.
• Sámediggi gáibida ruđa ruovttoluotta máksojuvvot, jos lea ribahan menddo ollu máksit.
• Sámediggi geassá doarjjalohpádusa, dolle doarjaga dahje gáibida ruovttoluotta máksit doarjaga jos:
• Doarjjaoažžu lea rihkkon dieđihangeaskku.
• Doarjjaoažžu lea rihkkon dáid njuolggadusaid mearrádusaid.
• Doarjja ii geavahuvvo doarjaga ulbmila mielde ja daid eavttuid mielde mat leat mearriduvvon doarjjareivves
• Lea gáibiduvvon heaittiheapmi, ovddiduvvon reastaluvvangohčus, priváhta dahje almmolaš vealgešiehtadallamat leat álggahuvvon doarjjaoažžu ektui dahje doarjjaoažžu heaitá máksimis máksámušaidis.
• Doarjjaoažžu lea vuovdán iežas investeremiid ovdalgo vihtta jagi lea gollan. Dát guoská investeremiidda maidda Sámediggi lea juolludan doarjaga.
• Jos doarjjaoažžu dákkár oktavuođain ii mávsse ruovttoluotta, de sáhttá Sámediggi rievtti bokte gáibidit máksojuvvot dan mii lea buorrin. Jos ruđat eai máksojuvvo ruovttoluotta dan áigemearrái mii lea biddjojuvvon, de sáhttet maŋŋoneami ovddas gáibiduvvot vel reanttut lassin, gč. juovlamánu 17. b. 1976 mannosaš lága nr. 100 reanttuid birra maŋŋonan máksima oktavuođas jna.