Doarjjaortnega mihttomearri:

• Giellaberošteaddjit čalmmustahttet ja váikkuhit sámegielaid geavaheami lassáneapmái Sámi giellavahkku olis.

Dása sáhtát oažžut doarjaga:

• Sámegielladoaibmabijut main lea earenoamáš fokus giela, sániid ja doahpagiid oahppamii, ja mat čatnasit árbevirolaš máhttui ja čađahuvvojit Sámi giellavahkku

Gii sáhttá oažžut doarjaga:

• Almmolaš ja priváhta organisašuvnnat/ásahusat/fitnodagat mat leat registrerejuvvon Norgga Ovttadatregistarii.
• Sámi giellaguovddážat geat ožžot njuolggodoarjaga Sámedikki bušeahta bokte eai sáhte oažžut doarjaga. Seamma guoská vuođđoskuvllaide ja mánáidgárddiide sámegielaid hálddašanguovllu suohkaniin.

Ná olu sáhtát oažžut doarjaga:

• Doarjja rehkenastojuvvo vuođustuvvon ohcama ja prošeaktačilgehusa vuođul, gitta 40 000 ru rádjai.
• Golut maidda ii sáhte oažžut doarjaga:
  • Prošeavttaide mat gullet oahpahuslága doaibmaguvlui ja mat gullet skuvlaeaiggádiid láhkageatnegahttojuvvon bargamušaide.
  • Girjjálašvuođa, neahttasiidduid ja diehtojuohkinávdnasiid jorgaleapmái.
  • Oastit elektronihkalaš gálvvuid ja duhkorasaid.
• Doarjja ii addojuvvo dása: elektronihkalaš gálvvuid, duhkorasaid, bajásdoallamii, spesifiserekeahtes goluide, beaivválaš doaibmagoluide jođihit doaimma/fitnodaga, sosiála goluide, doaibmabijuide mat botnjet gilvvohallama, láigovisttiide, rádjovisttiide, opmodatoastimiidda, leasingii, vuodjinfievrruide, investeremiidda ja čielga lonuhemiide. Eará olggosgolut maid Sámediggi ii árvvoštala dárbbašlažžan doaimma čađaheapmái.
• Almmolaš doarjja oktiibuot ii sáhte leat badjel 100 % prošeavtta/doaibmabiju ollislaš olggosgoluin.

Eará doarjjaeavttut:

Geahča doarjjanjuolggadusaid.

Gielladoaimmat Sámi giellavahkku oktavuođas - doarjjanjuolggadusat 2023 (PDF, 382 kB)

Ohcanskovvi - Gielladoaimmat Sámi giellavahkku oktavuođas