Ohcanáigemearri

• 03.03.25 dii. 15.30.

Ohccit fertejit logget sisa ID-porten bokte.

Dán ortnega njuolggadusat

1 Stipeandaortnega mihttu ja vuoruheamit

1.1 Stipeandaortnega mihttu

• Eanet olbmot geain lea formála gelbbolašvuohta duojis.

1.2 Vuoruheamit

• Joatkkaskuvlaoahppit geat ollesáiggis lohket Jo1 Design ja giehtaduoji dahje Jo2 Design ja giehtaduoji.
• Norgga studeanttat geat ollesáiggis lohket duoji Sámij åhpadusguovdásjis dahje duoji bachelor- ja masterdásis.

1.3 Ulbmilolahusa eavttut

• Stipeandaoažžu lea čađahan eksámena stipeandda juolludeami vuođul.

2 Ohcama hápmi ja sisdoallu

2.1 Stipeandaoažžu / gii sáhttá ohcat

• Joatkkaskuvlaoahppit geat lohket:
  • Jo1 Design ja giehtaduoji, mas duodji lea prográmmafágaid váldooassi.
  • Jo2 Design ja giehtaduoji olles áiggi, mas duodji lea prográmmafágaid váldooassi.
  • Duodji galgá leat prográmmafágaid váldooassi.
• Norgga studeanttat geat leat ollesáiggi duodjeoahpus Sámij åhpadusguovdásjis.
• Norgga studeanttat geat leat ollesáigge/oasseáigge duodjeoahpus Sámi allaskuvllas bachelor- ja masterdásis.

2.2 Ohcanáigemearri

• Sámediggeráđđi mearrida ohcanáigemeari.

2.3 Gáibádusat ohcamii

• Ohcama galgá sáddet Sámedikki doarjjaportála bokte.
• Ohcamat mat eai ollašuhte ohcaneavttuid, hilgojuvvojit.
• Váhnemat/ovddasteaddjit galget ohcat Sámedikki doarjjaportála bokte go ohcci lea vuollel 18 jagi.
• Ohcamis galget leat čuovvovaš mildosat: Oahpahusásahusat galget duođaštit čuovvovačča:
  • Dieđuid das leago oahppi ollesáiggi oahppi oahpposajis mii lea dohkkehuvvon Stáhta loatnakássa oahppodoarjagii.

2.4 Eavttut ohccái

• Duođaštusgáibádusat ja mii galgá leat mielddusin ohcamis. Dán ferte heivehit juohke stipeandaortnegii. Leat eará gáibádusat joatkkaskuvlastipendii alit oahpu stipeandda ektui.
• Stipeanda seamma fágii seamma dásis addojuvvo dušše okte.
• Ohcci ferte leat álbmotregistrerejuvvon Norggas.

3 Ohcamiid meannudeapmi

3.1 Ohcamiid meannudeapmi

• Ohcamat mat eai deavdde ohcaneavttuid, hilgojuvvojit.
• Meannudanáigi:
  • Doarjjaortnegat main lea ohcanáigemearri meannuduvvojit golmma mánu sisa maŋŋel ohcanáigemeari.
• Ohcamat meannuduvvojit dađistaga ja golmma mánu sisa dan rájes go ohcan lea joavdan.
• Sámediggi sáhttá sihtat eanet duođaštusaid dahje gohččut čielggadanságastallamii.
• Go ovddeš stipeandda ovddas maid lea ožžon váilu duođaštus, de hilgojuvvo ohcan.

3.2 Eavttut stipeandaožžui

• Stipeandaoažžu galgá eksámena čađahit nu olu oahppočuoggáid ovddas go lea ožžon stipeandda.
• Eksámen galgá čađahuvvot dan lohkanbajis masa lea ožžon stipeandda.
• Stipeanda lea olles skuvlajahkái/oahppojahkái.

3.3 Eksámena čađaheami áigemearri

• Eksámen oahpuin maidda lea ožžon stipeandda, galgá čađahuvvot dan lohkanbajis masa lea ožžon stipeandda.
• Erenoamáš ákkaid vuođul sáhttá stipeandaoažžu čálalaččat ohcat guhkidit áigemeari eksámena čađaheapmái, gitta guovtti jahkái. Ohcama galgá vuođustit, ja sáddet Sámediggái ovdal eksámendáhtona mii boahtá ovdan ohcamis.

3.4 Rievdadusat stipeandaeavttuin

• Maŋŋá go stipeanda lea mearriduvvon, lea stipeandaoažžus alddis geatnegasvuohta dieđihit jus stipeandda eavttut rivdet.

3.5 Máksineavttut

• Stipeanda máksojuvvo ollásit go mearrádus lea dahkkojuvvon.
• Jos ohcci lea ovdal ožžon stipeandda/doarjaga Sámedikkis ja rihkkon doarjja-/stipeandaeavttuid, de sáhttá dat dagahit ahte máksimat bissehuvvojit dassážiigo eavttut čuvvojuvvojit.

4 Meroštallannjuolggadusat

4.1 Meroštallannjuolggadusat

• Joatkkaskuvlaoahppit ja Norgga studeanttat geat ollesáiggis lohket duoji Sámij åhpadusguovdásjis: 15 000 ru.
• Duodji bachelor- ja masterdásis:
  • Oasseáiggis 30 oahppočuoggá 15 000 ru.
  • Ollesáiggis 60 oahppočuoggá 25 000 ru.
• Ii juolluduvvo stipeanda seamma dássái eambbo oktii.

5 Raporteren

5.1 Raporterengáibádus

• Galgá buktit duođaštusa čađahuvvon oahpus seamma jagi go oažžu stipeandda.

5.2 Bearráigeahččan ja čuovvuleapmi

• Sámediggi sáhttá dárkkistit geavahuvvojit go ruđat eavttuid mielde.
• Sámediggi sáhttá dárkkistit ahte stipeandaoažžu lea čađahan eksámena ja gáibidit stipeandda máksojuvvot ruovttoluotta ollásit jus ii leat dahkan dan.
• Sámediggi sáhttá sihtat eanet dieđuid. Dát guoská dieđuide mat galget geavahuvvot statistihkas ja eará raporteremii.

5.3 Stipeandda ruovttuluottamáksin ja sihkkun

• Sámediggi sáhttá gáibidit stipeandda máksojuvvot ruovttoluotta go lea máksojuvvon beare olu.
• Sámediggi geassá doarjjalohpádusa ruovttoluotta, dolle doarjaga dahje gáibida ahte doarjja máksojuvvo ruovttoluotta jos:
  • Stipeandaoažžu lea rihkkon dieđihangeaskku.
  • Doarjja ii geavahuvvo doarjaga ulbmila mielde ja daid eavttuid mielde mat leat mearriduvvon doarjjareivves.
  • Stipeandaoažžu lea rihkkon dáid njuolggadusaid mearrádusaid.
• Jos doarjjaoažžu dákkár oktavuođain ii mávsse ruovttoluotta, de sámediggi rievtti bokte gáibidit máksojuvvot dan mii lea buorrin. Jos ruđat eai máksojuvvo ruovttoluotta dan áigemearrái mii lea biddjojuvvon, de sámediggi sáhttá gáibidit maŋŋoneami ovddas reanttuid vel lassin, gč. juovlamánu 17. b. 1976 mannosaš lága nr. 100 reanttuid birra maŋŋonan máksima oktavuođas jna.