Fïerhten vaarjelimmiedajvese, dovne nasjonaalepaarhkh, eatnemevaarjelimmiedajvh jïh eatnemereservaath aktem jïjtse mieriedimmiem nænnoste jïh dajvh vaarjelimmiemieriedimmien mietie reeresuvvieh. Vaarjelimmiemieriedimmie soptseste mah eatneme- jïh kultuvreaarvoeh vaarjelimmie edtja gorredidh, vaarjelimmiedajven raasth, mah eekh mah vaarjelimmien nualan båetieh jïh nænnoestimmieh åtnoen bïjre dajveste.

Gosse vaarjelimmiemieriedimmieh dorjesuvvieh Saemiedigkie åejvieladtjigujmie rååresje mah dïedtem utnieh vaarjelimmieraeriestimmien åvteste. Guktie daate vaarjelimmiesoejkesjebarkoe dorjesåvva latjkosne tjåådtje Saemiedigkien jïh Klijma- jïh byjresedepartemeenten gaskem njoelkedassi bïjre vaarjelimmiesoejkesjebarkose saemien dajvine.

Saemiedigkie sæjhta aerpievuekien saemien åtnoem tjåadtjoehtidh jïh evtiedidh aaj vaarjelimmiedajvine naemhtie guktie dïhte eatnemen gellievoetem vaarjele. Juktie saemien åtnoem vaarjelimmiedajvine jåerhkedh dellie gaskem jeatjah eatnemegellievoetelaaken § 34 joekoen vihkeles. Dïhte vihteste gaskem jeatjah «Vaarjelimmiemieriedimmie ij edtjh heaptojne årrodh juktie monnehke åtnoem jåerhkedh mij vaarjelimmieulmiem aktene dajvesne dåarjohte.

Vielie Saemiedigkien vaarjelimmiedajvepolitihken bïjre saemiedigkiebïevnesisnie areaalen jïh byjresen bïjre gaavnh (PDF, 4 MB)

Lohkh aaj:

Perspektijvh akten båetijen aejkien areaale- jïh byjresepolitihkese Saepmesne (PDF, 4 MB)

Bïevnesh ovmessie nasjonaalepaarhki bïjre

Bïevnesh jeatjah vaarjelimmiedajvi bïjre