Båatsoelaakemoenehtse

Saemiedigkie jïh Nöörjen Båatsoesaemiej Rïjhkesiebrie (NBR) leah saemien byögkeles laakemoenehtsem nammoehtamme mij edtja daerpievoetese vuartasjidh juktie daan beajjetje båatsoelaakem jarkelidh.

Reeremen aamhtesereereme aamhtesijstie mah leah daan beajjetje båatsoelaakese vïedteldihkie, jïh illedahkh reaktasysteemesne leah daamtaj vuesiehtamme reereme ij båatsoesaemiej aerpievuekieh jïh reaktavuajnoeh krööhkesth. Daate gyhtjelassem buakta mejtie laake lea almetjereaktan jïh gaskenasjonaale konvensjovni mietie.

Saemiedigkie jïh Nöörjen Båatsoesaemiej Rïjhkesiebrie (NBR) leah saemien byögkeles laakemoenehtsem nammoehtamme mij edtja daerpiesvoetese vuartasjidh juktie daan beajjetje båatsoelaakem jarkelidh. Moenehtse edtja sjïerelaakan vuarjasjidh mennie mieresne båatsoelaake lea almetjereaktan mietie, joekehtsem tjïelkestidh privaaterïekteles jïh byögkeles reaktareeremen gaskem, jïh eventuelle jarkelimmieh båatsoelaakesne raeriestidh.

Laakemoenehtse lea jïjtjeraarehke moenehtse. Moenehtse nammoehtamme sjïdti 29.10.18 jïh edtja sov salkehtimmiem deelledh eannan göökte jaepieh. Tjaelemesijjie lea Saemiedægkan bïejesovveme.

Gåarede lahtestimmieh laakemoenehtsasse seedtedh, moenehtsen e-påaste-addressese: rdlovutvalg@samediggi.no.

Moenehtsen mandaate lea:

"Moenehtsen åejvielaavenjasse lea salkehtidh mejtie daerpies jarkelimmieh darjodh båatsoelaakesne jaepeste 2007. Moenehtse edtja Båatsoelaakemoenehtsen juvnehtæmman bigkedh (NBS 2001:35) jïh reektehtsasse Laantejuakoereaktan maahtoen bïjre sisnjelds tsiehkiej bïjre båatsosne. Moenehtse edtja aaj vuarjasjidh jïh dagke aaj vielie jarkelimmieh raeriestidh mah prosessh gorredieh mah våaromem jïh legitimiteetem utnieh båatsosne."

Moenehtse edtja sjïerelaakan raastem tjïelkestidh privaaterïekteles stuvremen jïh byögkelesrïekteles reeremen gaskem, jïh sïjtebielien sijjiem vuarjasjidh. Moenehtse edtja jarkelimmieh båatsoelaakesne raeriestidh mah sijhtieh båatsoen areaalevaarjelimmiem nænnoestidh. Moenehtse edtja laakenænnoestimmide vuartasjidh mah leah båatsoetaalen bïjre.»

Raeriestimmie jarkelamme båatsoelaakese 

Båatsoelaakemoenehtse sov raeriestimmiem jarkelamme båatsoelaakese åehpiedehti Saemiedigkesne skïereden 12. b. 2022. Åålmehriekteles vaarjelimmie, nænnoesåbpoe areaalevaarjelimmie, nænnoesåbpoe privaaterïekteles vaarjelimmie, kultuvre, mïrrestalleme jïh aerpievuekien daajroe jïh jarkelimmie byögkeles reeremisnie leah ajve naakenh dejstie vuesiehtimmijste mejtie moenehtse lea jarngese biejeme.

Les Reindriftslovutvalgets forslag til endret reindriftslov (PDF, 4 MB)

Lohkh vielie: Dellie maaje båatsoelaakemoenehtsen raeriestimmiem åehpiedahteme

Raeriestimmie lea govlehtæmman seedtesovveme, govlehtimmiemierine goeven 22.b, 2022. Lohkh vielie

Daah leah moenehtsisnie:

  • Åvtehke: Professor dr. juris Øyvind Ravna
  • Jeatjah moenehtselïhtsegh
    • Professovre dr. juris Mattias Åhren
    • Båatsoealmetje Nils P. Joma
    • Båatsoealmetje Samuel John N. Anti
    • Post. doc. Ellen Inga Turi
    • Advokaate jïh båatsoealmetje Nils Mikkelsen Utsi
    • Båatsoealmetje Anna Ravna Gaup
    • Båatsoealmetje Ellen-Sara Sparrok

Gaskesadtemebïevnesh

Båatsoelaakemoenehtse (PDF, 617 kB)

Tjaelemesijjie:
Elle Ristin Anti, 78 47 41 42, elle.ristin.anti@samediggi.no
Margrethe Anti, 78 48 42 14, margrethe.anti@samediggi.no
Petter Tretnes Hansen, 78 47 41 12, petter.tretnes.hansen@samediggi.no
Bernhard Vigen, 78 47 41 26, Bernhard.Vigen@samediggi.no