Ossodagas lea ovddasvástádus hábmet politihkka ossodaga ovddasvástádusguovllu siskkobealde, mii earret eará sisttisdoallá sámi vuoigatvuođaid, areála ja resursahálddašeami ja riikkaidgaskasaš proseassaid. Ossodat maid veahkeha eará fágaossodagaid guoskevaš áššiiguin ja ossodagas lea váldoovddasvástádus dásseárvvu fágasuorgái.
 
Vuoigatvuođa- ja riikkaidgaskasašossodagas leat dál 10 fásta bargi. Ossodagas leat guokte juogushoavdda geat bargaba veahkkálagaid, muhto gelbbolašvuođa dáfus lea sudnos ovddasvástádus goabbat juhkosii vuoigatvuođat ja riikkaidgaskasaš áššiide.

Sámedikkis leat máŋga kánturbáikki maid gaskkas sáhtát válljet, ja bargobáikin sáhtát válljet doppe gos lea rabas kántorsadji.

Don gii virgáibiddjot fertet vuordit mátkkoštit barggus.

Barggut

Prošeaktavirggi barggut leat čatnon dieđáhussii ja doaibmaplánii mii lea sámecielaheami birra. Mielde leat guokte liŋkka gos sáhtát lohkat eambbo dieđáhusa sisdoalu birra ja makkár barggut dat gullet dasa. Dasa lassin lea prošeaktavirgi čatnon proseassabargui mii lea duohtavuođa- ja seanadankommišuvnna raportta oktavuođas.
 
Sámedikki dásseárvodieđáhus - Sábme jállu
 
Sámedikki doaibmaplána sámecielaheami vuostá

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Mii ohcat du geas lea universitehta/allaskuvlla masterdási- oahppu  juridihkalaš fágaid/ riektediehtaga suorggis dahje servodatfágalaš fáttáid siskkobealde. Jus dus lea unnimusat bachelorgráda dahje sullasaš, ja dasto vihtta jagi relevánta bargohárjáneapmi sáhtát árvvoštallojuvvot virgái. Guhkes bargohárjáneapmi sáhttá buhttet vejolaš váilevaš formála oahpu.

Dus berrejit buorit fágalaš gelbbolašvuođat ja áinnas gelbbolašvuohta almmolaš hálddašeamis. Lea dehálaš ahte liikot plánabarggu, ja barggat struktuvrralaččat ja kvalitehtadiđolaččat go leat olu iešguđetlágan doaimmat ja eahpeeaktudeaddji áššit mat ilbmet bargobeaivvis.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Gelbbolašvuohta sámi servodatdiliin deattuhuvvo erenoamážit.Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 Ráđđeaddi, vuolgá ohcci bargohárjáneamis ja gelbbolašvuođas

Virgáduvvot 1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohccát dasa?

Ohcan sáddejuvvo elektrovnnalaččat dán liŋkka bokte; Oza bargui, ja ohcamuša mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrain Hege Fjellheim
  Tel. +47 78 47 40 00 - hege.fjellheim@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut 

• sámi vuoigŋa 
• rabasvuohta 
• ovttaráđálaččat 
• searvvadeaddji 
• luohtehahtti ja oskkáldas 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Njukčamánu 21. beaivvi 2023