Bieggafápmohuksen Finnmárkkus

NČE - Norgga čázádat- ja energiijadirektoráhtta lea sádden álggahandieđáhusa mas lea dieđiheapmi 11 bieggafápmorusttegis ja 4 elfápmolinjjás Finnmárkkus gulaskuddamii. Gulaskuddanáigemearri lea guovvamánu 1. beaivvi. NČE lágida ovcci álbmotčoahkkima áigodagas skábmamánu 18. b. rájes juovlamánu 5. beaivvi rádjai.  Sámediggi searvá eanaš čoahkkimiidda sihke hálddahusa ja politihkalaš jođihangotti ovddasteddjiiguin. 

Ii leat dábálaš ahte politihkalaš njunnošat servet dákkár álbmotčoahkkimiidda. Nuppe dáfus guoskkahuvvojit olu sámi beroštumit ja vuoigatvuođalaččat dáin plánain ja Sámediggi vuoruha dan geažil čuovvut dáid álbmotčoahkkimiid áicin.  

Sámediggeráđđi lea leamaš oktavuođas moanat orohagaiguin maidda dat guoská ja lea maid fállan deaivvadit singuin geat háliidit ságastallat dili birra sámediggeráđiin. 

Sámediggi oassálastá čoahkkimiin

Sámediggeráđđi oassálastá dáidda čoahkkimiidda čuovvovaš olbmuiguin:

  • Skábmamánu 18. beaivvi dii. 18.00 Báhcavuonas, Melkarn bajásšaddanguovddáža kultursáles - sámediggeráđđi Maja Kristine Jåma ja politihkalaš ráđđeaddi Nils Ante Eira
  • Skábmamánu 19. beaivvi dii. 18.00 Bearralvágis, Bearralvági skuvlla stuorastobus - sámediggeráđđi Maja Kristine Jåma ja politihkalaš ráđđeaddi Nils Ante Eira
  • Skábmamánu 20. beaivvi dii. 18.00 Deanus, gielddastivrrasáles - areála- ja birasáššiid seniorráđđeaddi Elina Hakala
  • Skábmamánu 21. beaivvi dii. 18.00 Unjárggas, gielddastivrrasáles - areála- ja birasáššiid seniorráđđeaddi Elina Hakala
  • Skábmamánu 26. beaivvi dii. 18.00 Porsáŋggus, Russenes Kro Leaibevuonas - politihkalaš ráđđeaddi Anne Henriette Nilut
  • Skábmamánu 27. beaivvi dii. 18.00 Davvenjárggas, Samfunnshuset Turn - Kulturmuito-, areála- ja birasossodaga direktevra Sten Olav Heahttá
  • Juovlamánu 3. beaivvi dii. 18.00 Gáŋgaviikkas, Donjevuona servodatviesus - politihkalaš ráđđeaddit Anne Henriette Nilut ja Nils Ante Eira
  • Juovlamánu 4. beaivvi dii. 17.30 Davvesiiddas, Gilivuona servodatviesus - politihkalaš ráđđeaddit Anne Henriette Nilut ja Nils Ante Eira
  • Juovlamánu 5. beaivvi dii. 17.30 Davvesiiddas, Gilivuona servodatviesus - politihkalaš ráđđeaddit Anne Henriette Nilut ja Nils Ante Eira

Jus oktage háliida sierra čoahkkimiid politihkalaš ráđđeaddiin/ráđđelahtuin, de váldde oktavuođa:

Loga maid dáid áššiid movt Sámediggi veahkeha:

Bovdehus ovttasbargui orohagaide maidda plánejuvvon bieggafápmoprošeavttat Finnmárkkus gusket - Sámediggi

11 bieggafápmoplána váldojit meannudeapmái dál: – Sámi kultuvrra luondduvuođđu garra deattu vuolde - Sámediggi

Sámedikki oaidnu

Sámedikkis lea čuovvovaš oaidnu bieggafápmohuksemii Finnmárkkus ja lea dahkan čuovvovaš mearrádusaid áššis:

Strategiija mo sihkkarastit ja ovddidit sámi kultuvrra energiijahuksemiid oktavuođas (2013)

Sámediggi ii doarjjo ahte láhččojuvvo eanet bieggafápmohuksemiidda boazoguohtunguovlluin:

Loga dievasčoahkkinášši meannuduvvon golggotmánus 2020: BIeggafámut gáttis - Sámedikki oaidnu 

Almmuhuvvon 19.11.2024 14.24
Maŋemusat rievdaduvvon 19.11.2024 14.24