Juhkosa dovdomearkkat lea ahte váldodoaimmat leat giellasuorggi hálddašan- ja politihkkaovddidanbarggut. Juhkosis leat sihke nuorra ja hárjánan bargit geat dagahit buori joavkku ja geat beroštit sámegielaid oainnusmahttimis ja ovddideamis. Sámegiella lea juhkosa bargogiella. Juogus lea, dego muđui maid Sámediggi, huksejuvvon lávdaduvvon struktuvrrain, ja juhkosa bargit barget iešguđetge kánturbáikkis. Juhkosis leat muhtun deaivvadanbáikkit jagi mielde, mat addet vejolašvuođa oahpásmuvvat bargoguimmiide ja Sámedikki eará kánturbáikkiide.
Virgi heive bures olbmuide geat beroštit servodagas ja geat liikojit hástalusaide, čállimii ja áigodagaide go lea alla bargoleaktu. Virggis oahpásmuvat dálá giellapolitihkkii, ja beasat čuovvut politihkalaš áššiid.
Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Romssas, Snåases ja Ájluovttas. Sámedikki bargit fertejit rehkenastit veahá mátkkoštit.
Barggut
Ráđđeaddin/seniorráđđeaddin leat dus čuovvovaš barggut:
- Čuovvulit politihkalaš mearrádusaid ja láidehusaid giellasuorggis
- Veahkehit giellasuorggi láhka- ja njuolggadusbargguin
- Álggahit ja čađahit fálaldatproseassaid
- Ráhkkanahttit ja searvat konsultašuvnnaide
- Ovttasbargat olggobeal olbmuiguin, ja maiddái ovttasbargat siskkáldasat eará fágasurggiiguin Sámedikkis
- Eará giellafágalaš ovdánahttin Sámedikki giellafágalaš áŋgiruššamis
- Čielggadusat ja prošeaktabarggut
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
Loga eanet virggi birra ja oza