Min luhtte beasat bargat sekšuvnnas mii nannosit bargá sámi demokratiijain, ja mii lea mielde ovddideamen Sámedikki eamiálbmotparlameantan. Dokumentašuvdna- ja parlameantahálddašanjuhkosis leat 9 bargi ja lea oassi Sámedikki politihkalaš čállingottis. Ossodagas lea muđui politihkalaš ovttastahttin- ja láhčinsekšuvdna. Dokumentašuvdna- ja parlameantahálddašanjuogus bargá Sámedikki mihttomeriid mielde. Beasat bargat miellagiddevaš ja mávssolaš bargguiguin mohkkás doaimmas mii ovdána dađistaga. 

Sámedikkis leat máŋga kánturbáikki maid gaskas sáhtát válljet, ja don sáhtát bargat muhtin kánturbáikkis gos lea rabas sadji. Dál leat mis rabas kánturbáikkit Kárášjogas, Vuonnabađas, Guovdageainnus, Olmmáivákkis, Evenáššis, Ájluovttas, Árborddis ja Romssas.

Barggut

Virggis dus leat čuovvovaš barggut:

• Leat mielde identifiseremin buoridansurggiid ja leat aktiivvalaš veahkkin jotkkolaš ovddidanbarggus nu ahte ođđa teknologiija sáhttá váldojuvvot atnui 
• Čielggadeapmi ja ráđđeaddin dokumeantahálddašeami áššesuorggis 
• Sámedikki journála kvalitehtasihkkarastin/siskkáldasdárkkisteapmi 
• Addit geavaheddjiid doarjaga ja árjjalaččat bagadit áššemeannudeddjiid min vuogádagaid rutiinnain ja geavahusas 
• Dokumeantahálddašeami beaivválaš jođiheapmi Sámedikkis, dás maiddái poasttaid registreren ja juohkin iešguđet gálduin
• Eará barggut juhkosa fágasuorggis

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza