Dokumentašuvdna- ja parlameantahálddašanjuhkosis leat 9 bargi oktan juogusjođiheddjiid ja juogus gullá Sámedikki politihkalaš čállingoddái. Ossodagas lea maid politihkalaš ovttastahttin- ja láhčinjuogus.

Mis leat miellagiddevaš ja ulbmillaš barggut min máŋggasuorggat ásahusas mii ovttatládje ovdána. Dokumentašuvdna- ja parlameantahálddašanjuogus bargá Sámedikki mihttomeriid olis. Sámedikki bajitdási višuvdna lea “Ovttas nannet Sámi”. Sáhtát lohkat eanet min váldomihttomeriid birra vuolimusas virgealmmuhusteavsttas.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Romssas, Snåases ja Ájluovttas. Sámedikki bargit fertejit rehkenastit veahá mátkkoštit.

Barggut

Dokumentašuvdna- ja parlameantahálddašanjuhkosis lea ovddasvástádus dokumentašuvdnii, masa gullá Sámedikki áššemeannudan- ja arkiivavuogádat ja parlameantahálddašeapmi.

Du bargu lea dokumentašuvdna ja parlameantahálddašeapmi. Dasa gullá Sámedikki jienastuslohku, plánet ja ráhkkanit Sámediggeválggaid ja rávvet áššesuorggi siskkobealde. Don sáhtát oažžut eará bargguid mat gullet juhkosa fágasuorgái. Čoahkkimiid oktavuođas sáhttá šaddat veahá veaige- ja eahketbargu. 

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza