Juhkosa dovdomearkkat lea ahte váldodoaimmat leat giellasuorggi hálddašan- ja politihkkaovddidanbarggut. Juhkosis leat sihke nuorra ja hárjánan bargit geat dagahit buori joavkku ja geat beroštit sámegielaid oainnusmahttimis ja ovddideamis. Sámegiella lea juhkosa bargogiella. Juogus lea, dego muđui maid Sámediggi, huksejuvvon lávdaduvvon struktuvrrain, ja juhkosa bargit barget iešguđetge kánturbáikkis. Juhkosis leat muhtun deaivvadanbáikkit jagi mielde, mat addet vejolašvuođa oahpásmuvvat bargoguimmiide ja Sámedikki eará kánturbáikkiide.  

Virgi heive bures olbmuide geat liikojit rutiinnaide, buori struktuvrii ja bures dovdat iežaset beaivválaš bargodili. Virgi addá buori ipmárdusa prošeavttain/doaimmain mat leat jođus sámi servvodagas. 

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Romssas, Snåases ja Ájluovttas. Sámedikki bargit fertejit rehkenastit veahá mátkkoštit.

Barggut

Vuosttaškonsuleantan/Ráđđeaddin leat dus čuovvovaš barggut:   

• Áššemeannudit ja bagadallat stipeandaohcamiid ja ohcanvuđot doarjagiid daid ulbmiliid mielde mat leat mearriduvvon Sámedikki bušeahtas, ja raporteremat mearriduvvon ulbmiliid ektui  
• Juolluduvvon doarjagiid čuovvoleapmi  
• Sámedikki siskkáldas bagadallan doarjagiid juolludeamis 

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza