Dán virggis beasat leat mielde láhčimin dilálašvuođaid julevsámi giela ja kultuvrra ovdáneapmái boahttevaš buolvvaide, sámi girjjálašvuođa gaskkustemiin, lohkankampánjjaiguin ja doaluiguin. Mii ohcat olbmo geas lea beroštupmi sámi girjjálašvuhtii ja gii sáhttá leat mielde láhčimin buriid gaskkustandoaimmaid julevsámi guovllus. 

Girjerádjosis leat guokte virggi main leat Árborddis ja Ájluovttas kánturbáikkit, ja virggiin leat gaskkustandoaimmat bargun. Dasa lassin leat girjerájus golbma virggi Sámedikkis Kárášjogas.  Bargosadji lea Sámedikkis Ájluovttas.  

Sámedikki bargit fertejit rehkenastit veahá mátkkoštit.

Barggut

Virggi váldobarggut leat: 

• Initieret, plánet ja čađahit iešguđetlágan gaskkustandoaimmaid maid ulbmil lea ovddidit sámi girjjálašvuođa. 
• Ásahit oktavuođa ja ovttasbarggu girjerádjosiiguin, skuvllaiguin ja mánáidgárddiiguin, sámi giella- ja kulturguovddážiiguin ja/dahje eará relevánta aktevrraiguin čalmmustahttindihte sámi girjjálašvuođa ja kultuvrra. 
• Initieret, plánet ja searvat lágidemiide, kampánjjaide ja eará arenaide gos girjjálašvuođa ja kultuvrra gaskkusteapmi lea guovddážis, dás maiddái Sámedikki iežas doalut, nugo omd. sámi girjjálašvuođabeaivvit.

Du bargoárgabeaivi hábmejuvvo dárbbu mielde ja du gelbbolašvuođa mielde. Fertet rehkenastit ahte virggi ja juhkosa barggu ja ovddasvástádussuorggit rivdet ásahusa dárbbu mielde. 

Loga eanet virggi birra ja oza