Reerenasse nasjonaale strategijem lohkemasse jïh tjaeliemasse evtiedi jïh tjïrrehti – gïeledaajroeh 2016-2019. Strategijen ulmie lij maanagïerten gïelebyjresem nænnoestidh, ektiedimmiem maanagïerten jïh skuvlen gïelebarkoen gaskem nænnoestidh, lohkehtæjjaj maahtoem gïelen, lohkemen jïh tjaelemen sisnjeli nænnoestidh, verkebe gïeletsagkesh damtijidh, låhkoem learoehkijstie viesjies lohkeme- jïh tjaelemetjiehpiesvoetigujmie giehpiedidh, jïh learohkelåhkoem lissiehtidh joekoen hijven lohkeme- jïh tjaelemetjiehpiesvoetigujmie.

Dïhte sjïere daejnie strategijine lea daate voestes aejkien gosse systematihkeles jïh ellieslaakan gïeline, lohkeminie jïh tjaelieminie barka dovne maanagiertesne jïh skuvlesne, jïh praksiselïhke jïh daajroebaseradamme digitaale maahtoepaahkh evtiesuvvieh mejtie maanagïerth jïh skuvlh maehtieh ryöktesth åtnose vaeltedh dennie voenges evtiedimmiebarkosne. Strategije feerhmie aalkoegaavnedimmieh maanagiertide jïh skuvlide, namhtah maahtoepaahkh nedtesne jïh dåarjoe voenges evtiedimmiebarkose tjïeltine.