Saemiedigkie skraejriem veelti akten laantenvijries saemien gïelevåhkose 2019. Illedahke lij akte våhkoe gusnie saemien gïelh vååjnin jïh govlin gellene lehkesne laantesne, sosijaale medijinie jïh rïjhkemedijinie.

Saemien gïelevåhkoe stoerre eadtjohkevoetem sjugniedih abpe laantesne, jïh gellie aktöörh viehkiehtin saemien gïelh våajnoes darjodh siebriedahkesne dan våhkoen. Dovne voenges öörnedimmiej tjïrrh jïh öörnedimmieh sosijaale medijinie. Gånkagåetie, Stoerredigkie, Reerenasse jïh institusjovnh goh Saemien Jïlleskuvle, Saemien jåarhkeskuvlh, Saemien lohkemejarnge, Finnmarhke-eeke, EN siebrie Redd Barna, NRK Super leah naaken dejstie aktöörijste mah viehkiehtin saemien gïelevåhkoem mïerhkesjidh.

Saemiedigkie sæjhta saemien gïelevåhkoe edtja öörnesovvedh fïerhten jaepien, jïh soejkesjeminie daan jaepien gïelelåhkoem daelie, mij sjædta våhkoen 43.