Im vuesiehtimmiem vuajneme, men joe dan bïjre lohkeme.
Allaq, mij bïerne inuihte gïelesne, jïh maam Lene Cecilia Sparrok dorjehte, lea aktene veartanisnie mij jarkelamme. Biejjie gaajhkem gajhkalostoe jïh aajmene ajve saadtestahke, jïenge jïh dålle.
Sjædtoegåetieeffekte dam arktiske eatnemem nåhkehte jïh naakenh tjuerieh sov jieledem tjeavadidh ihke jeatjebh edtjieh jieledh.
Vaatnoeh båateme, men ij mïsse dïhte aevhkie. Vihkeles sjædta båeries almetji daajroe jïh dååjrehtimmieh jååhkesjidh. Åarjelhsaemien teatere tjaala: Nïehkedassesne mijjieh gaavnesjibie. Mejtie læjhkan håhkoe gååvnese båetije biejjide?
Gaatesjen daate aamhtese åehpies dåeriesmoere. Saemiej jieledevåarome håvhtadamme klijmajarkelimmijste, men aaj dejstie råajvarimmijste mah båetieh.
Åarjelhsaemien teateren stoerre ulmie trilogijine mij edtja tjåanghkan bïejesovvedh Bodø 2024 båetije jaepien. Dan tjïrrh maahta vihkeles gyhtjelassh bæjjese lutnjedh. Sïjhtem dijjem garmerdidh juktie nuepiem nuhtjie.
Manne måjhtam daam voestes boelhke «Giedtine – gïen dïhte bïegke?». “Allaq – dållen gïele”, lea mubpie boelhke. Jïh båetije jaepien dïhte minngemes tjaetsien bïjre.
Men, Bodø 2024 lea båetije jaepien. Daan iehkeden voestes vuesiehtimmie veartanisnie.
Dijjen væjkeles tjaelije, jïh gieltegs vuejnedh guktie Cecilia Persson tjåanghkan baerkieldamme golme arktiske mytah Alaskeste, Kalaallit Nunaatistie jïh Saepmeste.
Lahkoe dejnie jïh båetije vuesiehtimmine.
Manne aavodem vuartasjidh. Gæjhtoe!