Saemiedigkieraerie jïh Reerenasse leah sïemes ektie-soejkesjem darjodh guktie saemien loesegöölemekultuvrem vaarjelidh. Soejkesjen duekie lea loesegööleme gaaje unnebe sjïdteme dovne johkine jïh jaevrine dej minngemes jaepiej, jïh daate konsekvensh åådtje barkose tradisjonelle saemien loesegöölemekultuvrine, jïh aaj guktie gïelem jïh aerpiemaahtoem (ålkoeålmegi tradisjonelle maahtoeh) båetije boelvese juhtieh. Saemiedigkie jïh Klæjma- jïh byjresedepartemete sijhtieh raeriestimmieh soejkesjen barkose åadtjodh.

Saemiedigkie jïh Klæjma- jïh byjresedepartemente sijhtieh vaestiedassh daan bïjre åadtjodh

Soejkesje edtja aalkoetsiehkiem utnedh loesegööleme lea vihkeles boelhke saemien kultuvren eatnemevåaroemistie. Lea daerpies loesh nænnoeslaakan stuvredh, mohte goh boelhke soejkesjen barkojne dellie aaj vierhtede mejtie reerenasse maahta vuekine sjïehtedidh mij saemien loesegöölemekultuvrem buerebe vaarjelieh.

Saemiedigkie jïh Klæjma- jïh byjresedepartemente sæjhta raeriestimmieh daan bïjre åadtjodh:

1. Maam byöroe darjodh saemien loesegöölemekultuvrem vaarjelidh, nænnoestidh jïh båetije biejjide jåerhkedh, goh:
   1. tradisjovnelle barkoe loesegöölemistie, goh teknihke maahtaldahkh, barkoevuekieh, tradisjovnh, vuekieh jïh learoevuekieh?
   2. aerpiemaahtoeh/tradisjovnelle maahtoeh loesen, loesegöölemen jïh loesen veasoej bïjre?
   3. saemiengïeleldh termh loesen jïh loesegöölemen bïjre, jïh aaj sijjienommh jïh buerkiestimmieh eatnamistie jïh jaepieboelhkijste?
   4. loesegöölemen voejkenes barkoevuekieh, goh aejlies sijjide seahkaridh jïh provhkedh?
   5. voenges histovrije, vaajesh, njaalmeldh soptsestimmievuekieh jïh vuelieh loesegööleminie?
   6. duedtieh, beapmoetradisjovnh jïh jeatjah kulturelle barkoevuekieh jïh jieliemassh loesegöölemistie?
   7. jeatjah aarvoeh, barkoevuekieh jallh tradisjovnh guktie bïerkenidh dajvine saemien loesegööleminie dejpeli jïh daelie?
2.  Maam byöroe darjodh guktie dejtie negatijve konsekvenside unniedidh, goh guktie loesegöölemen unniedimmie almetji ekonomijem, sosijaale jieledem jïh nehteviermiem dæjpa, jïh aaj guktie dæjpa jis almetjh sijhtieh saemien dajvesne årrodh, gusnie loesegööleme årromen våaromem orreme?

Guktie govlehtimmesne dåeriedidh?

Gaajhkesh mah sijhtieh maehtieh dej mïelh jiehtedh. Seedth tjaaleldh govlehtimmiemïelem goeren tjïrrh saemiedigkien nehtesæjrosne. Govlehtimmien mierie: goeven 31. biejjien 2025

Meatan govlehtimmesne (govlehtimmiegoere)

Jis datne ih maehtieh digitaale goerem provhkedh, dellie datne aaj maahtah dov govlehtimmievaestiedassem påastesne seedtedh.

Sámediggi –Sametinget
Postboks 3
9735 Kárášjohka/Karasjok

Govlehtimmiemïelh leah byjjes byjjeslaaken mietie jïh mijjieh dejtie bïejebe sametinget.no.