Mijjieh sïjhtebe lohkemem, gïeleevtiedimmiem jïh gïeleveeljemem dåarjoehtidh saemien fuelhkiej luvnie smaave maanajgujmie.
Saemiedigkie lea veeljeme såemies jïjtse materijellem saemiengïelesne darjodh jïh joekoen saemien fuelhkiej vööste smaave maanajgujmie gïeletsiehkien gaavhtan seabradahkesne. Mijjieh libie jïjtsh guvviegærjah jïh bïevnesematerijelle darjodh saemiengielesne. Lissine namhtah vadtesegærjah gærjagåatan joekedibie. Naakede materijelleste aaj daaroengïelesne.
Veedtjh bïevnesematerijellem jïh plakaath
Gosse saemien fuelhkieh smaave maanajgujmie healsoestasjovnesne jallh gærjagåetesne minnieh bïevnesematerijelle jïh gærjah edtjieh gååvnesidh jïh våajnoes årrodh dejtie.
Healsoestasjovne eejhtegidie bïhkede lohkemen jïh maanan gïeleevtiedimmien bïjre. Saemien eejhtegh dåarjoem daarpesjieh gïelem veeljedh jïh saemien nuhtjedh maanine. Prosjekte aevhkieh gelliengïelevoetine tjierteste jïh madtjeldahta saemien eadtjohkelaakan nuhtjedh joe slïedteaalteren raejeste. Healsoestasjovne edtja tjïertestidh man vihkele lea maanide lohkedh jïh man vihkele gærjagåetie lea tjïeltesne, gusnie saemien gærjah gååvnesieh gaajhkesidie.
Tjïelte sæjhta meatan årrodh kampanjesne Lohkh munnjien?
Jis tjïelte sæjhta meatan årrodh råajvarimmesne dellie vaajteles healsoestasjovne jïh gærjagåetie seamadieh laavenjostoen jïh koordineeremen bïjre dongkemijstie. Gåarede aktem govlehtallijem tjïeltesne nammoehtidh.
Dongkh gærjaveaskoem materijelline jïh gærjajgujmie
Saemiedigkie dongkemh gærjapaahkijste dååste dovne healsoestasjovnese jïh gærjagåatan jïh paahkide namhtah seedtie. Gosse namhtah gærjapaahkh dongkoe tjïelte jïjtjemse åelede råajvarimmiem tjïrrehtidh jïh vuajnelge goh tjïelte lea jïjtjemse sïjsebïeljelamme. Saemiedigkie bïhkedimmiem faalehte jïh tjïeltem dåarjohte mearan kampanje jåhta.
Bïhkedimmie healsoestasjovnese
Bïhkedimmie gærjagåatan (PDF, 369 kB)