Åarjelsaemiengïelem gåhtsajehtedh lea vihkeles ulmie Saemiedigkesne. Seammasïenten ij leah gellie mah maehtieh åarjelsaemiengïelem barkoegïeline provhkedh byråkratijesne. Dannasinie mijjieh meatanbarkijem daarpesjibie gïe maahta viehkiehtidh tjaatsegh jarkoestidh daaroengïelen jïh åarjelsaemiengïelen gaskese. Åejvielaavenjasse lea tjaatsegh daaroengïeleste åarjelsaemiengïelese jarkoestidh. Tjaatsegh sijhtieh jïjnjemes politihke aamhtesetjaatsegh, prievieh, pressebïevnesh jv. årrodh.

Sijjienommelaaken mietie Saemiedigkie lea saemien sijjienommedïenesje. Barkoen laavenjasse aaj lea Saemien sijjienommedïenesjem viehkiehtidh, kvaliteetem gorredidh jih raerijste barkedh guktie åarjelsaemien sijjienommh tjaeledh. 

Saemiedigkie gellie kontovresijjieh åtna mejtie datne maahtah veeljedh. Datne maahtah veeljedh barkedh gusnie gaahpoeh barkoesijjieh gååvnesieh. Daelie mijjen leah gaahpoeh kontovresijjieh Karasjokesne, Kautokeinosne, Tromsøsne, Varangerbotnisnie, Snåasesne, Aarbortesne Evenskjeresne, Dragesne.

Saemiedigkien barkijh aaj tjuerieh ånnetji fealadidh. 

Vielie bïevnesh barkoen bïjre