Saemiedigkien åvteste mijjieh hoksem buakta Altese Majesteete Trööhnege Sonjese, Altese Majesteete Gånkese, jeatjabidie gånkafuelhkesne jïh gaajhkesidie gïeh lin Gånka Haralden lïhkemes daennie leevles tïjjen.
Gånka Harald ellies barkoen tjïrrh lïhke gaskesem Saepmine jïh saemien åålmeginie åtneme. Dïhte lij feerhmeles, jïh altese baakoeh jïh dahkoeh stoerre vihkelesvoetine orreme jååhkesjæmman saemijste åålmeginie jïh saemien seabradahken evtiedæmman.
Saemiedigkien rïhpestimmesne jaepien 1997 Gånka Harald jeehti Nöörjen staate lea tseegkesovveme göökti åålmegi dajvesne, daaroeh jïh saemieh. Daah baakoeh leah mijjen histovrijasse tjaalehtjovveme. Saemien åålmege, mijjen histovrije jïh mijjen sijjie Nöörjesne jååhkesjovvi dej baakoej gujmie.
Gellie luhkiejaepine Gånka Harald saemien lïhkes-seabradahkide guessine feeli, jïh almetji gujmie dïervesji abpe Saepmesne. Saemien åålmeginie ååktojne, væjsehkevoetine jïh staeries ïedtjine dïervesji. Altese tjïelkes jååhkesjimmie mijjen gïelijste, mijjen kultuvreste jïh mijjen vuekijste lea eevre vihkeles orreme saemien ektievoetese jïh gaskesasse saemien åålmegen jïh Nöörjen staaten gaskem.
Mijjieh gånkam måjhta gie saemien åålmegem vööjni, jïh altese barkoen tjïrrh viehkehti mijjen sijjem jïh mijjen vyörtegsvoetem ektievoetesne nænnoestidh.
Mijjen åssjaldahkh leah Altese Majesteete Trööhnege Sonjan, Altese Majesteete Gånkan, dej jeatjebi gånkafuelhkesne jïh gaajhkesi luvnie gïeh lin Gånka Haralden lïhke.
Jeenjh gæjhtoe, Gånka Harald.
Sandra Márjá West
Saemiedigkien stoerretjåanghkoen åvtehke
Silje Karine Muotka
Saemiedigkiepresideente