Daan jaepien dåarjoe lea joekedamme gaektsie gïeleevtiedimmieprosjeektide jïh vïjhte lïhkes evtiedimmieprosjeektide, mah leah saemien aerpievuekien barkoen åvteste, Deatnu:ste Finnmárku:sne Bergen:ese Vestland:esne. 

– Joekoen sjollehke vuejnedh dan jïjnjh maanagïerth sijhtieh saemiengïeline barkedh. Joekedimmieh nænnoes eadtjohkevoetem vuesiehtieh dovne noerhte-, julev- jïh åarjelsaemiengïelen åvteste, jeahta Ann-Elise Finbog (SAK). 

Ann-Elise Finbog Árvu/Sámediggi

Betanien Barnehage AS åådtje 85 000 kråvnah gïeledåarjose julevsaemien maanide, ulmie lea saemiengïeleldh resurssem åadtjodh julevsaemien maanide ööhpehtidh.

Gåabpegh Lyngsdalen oppvekstsenter avdeling barnehage jïh Kavringen barnehage åadtjoeh 300 000 kråvnah saemiengïelem jïh kultuvrem jealajidh, ulmie lea saemiengïele- jïh kultuvremaahtoem maanide jïh barkijidie lissiehtidh.

Márkománák sámi mánáidgárdi AS åådtje 151 000 kråvnah prosjeektese «Fra jord til bord», ulmie lea maahtoem maanide ööhpehtidh ekologeles beapmoe jïh monnehke reeremen bïjre.

– Maanagïerth leah vihkeles juktie saemiengïelem jïh kultuvrem vaarjelidh jïh evtiedidh. Manne gaajhkesidie prosjeektigujmie læhkohtem, jïh mojhtestahtam orre ohtsemeboelhke tsïengelen 2026 rïhpesåvva, raerielïhtsege Finbog minngemosth jeahta.

Bijjeguvvie joekedimmijste: