Golken 27.b. raejeste goevten 22.b. raajan daan jaepien Tegnerforbundet dam voestes retrospektijve vuesiehtimmiem åehpiedahta saemien tjiehpiedæjjine Ánddir Ivvár Ivvár, Iver Jåks, Oslosne. Vuesiehtimmie Jåksen guvvieh jarngesne åtna mejtie ij leah byögkeles vuesiehtamme aarebi. Doh golme saemien tjiehpiedæjjah Laila Labba, Niilas Helander jïh Kurt Hermansen sijhtieh orre dorjesovveme vierhkieh, mah leah dialogesne Jåksen tjiehpiedæjjabarkojne, vuesiehtimmesne utnedh.

Daejnie dahkojne Tegnerforbundet sæjhta Iver Jåksem dialogese bïejedh tendensigujmie daanbeajjetje ektietïjjen tjeahposne. Iver Jåks lea uvtemes åehpies sov grafihken, skulptuvri jïh installasjovni åvteste, men materijellesne Jåksen minngesne aaj såemies guvvieh gååvnesieh. Daah guvvieh aaj gamtoem Jåksen barkosne vuesiehtieh.

– Daate vuesiehtimmie sæjhta meatan årrodh Iver Jåksem åvtese lutnjedh jeatjah perspektijvesne, lissine goh jienebh saemien tjiehpiedæjjah åehpiedahta seamma prosjektesne, naakede mïsse aavodem dåarjoem vedtedh, saemiedigkieraerie Maja Kristine Jåma (NSR) jeahta.

Hanne Hammer Stien jïh Kristoffer Dolmen leah vuesiehtimmiem öörneme jïh tjåanghkan biejeme mah aaj jienebigujmie laavenjostoeh bievnemebarkoen bïjre vuesiehtimmeste. Sæjhta faageseminaare årrodh Arkitektuvremuseumisnie, Oslo Sámiid Duodji edtja duedtieiehkedh hööltedh Tegnerforbundesne, Laila Labba jïh Marte Lill Somby edtjieh bievnemeprosjektem utnedh maanide jïh noeride Tegnerforbundesne. Lissine bievnemelatjkoe lea dorjesovveme Oslo saemien skuvline vuesiehtimmieboelhken.

– Daate hijvenlaakan vuesehte maam maahta darjodh, guktie Tegnerforbundet jïjtjemse ektede jeatjah saemien organisasjovnigujmie jïh institusjovnigujmie, jïh laavenjostoeh saemien tjeahpoem vuesiehtidh dan jeenjesidie goh gåarede, Jåma jeahta.

Dåarjoe 200 000 kråvnine lea dåårjeme dåarjoeöörnegen bijjelen kultuvreråajvarimmie.

Jis gyhtjelassh jallh gihtjehtimmie, gaskesadth saemiedigkieraeriem Maja Kristine Jåma (NSR), mob. +47 472 42 366, maja.kristine.jama@samediggi.no