Berit Marie P. E. Eira Árvu/Sametinget

Saemiedigkieraerie lea 67 000 kråvnah dåårjeme Johan Samuelsen Buljose Guovdageaidnun tjïeltesne råajvarimmide mah edtjieh bovtsh vihtiestidh mah juvrijste båvvalgamme.

Eiran mietie gåatomejielemh stoerre dåeriesmoerh utnieh teehpeminie gåatomekreekijste juvride daan biejjien. Vihtiestimmie teehpemistie lea akte dejstie stööremes haestiemijstie juvrereeremisnie.

– Bovtse bårrode vaadtsa jïh lea ålkone abpe jaepien. Gosse barhvem gaavna dellie daamtaj dan guhkiem vaaseme guktie geerve sjædta vihtiestidh raaktan juvre dïhte mij lea bovtsem bovvelamme. Råajvarimmie maam daelie dåårjeme sæjhta viehkiehtidh guktie maahta jienebh bovtsh juvreteehpeminie vihtiestidh, jïh lea akte dej prioriteeti mietie Saemiedigkien dåarjoen nuelesne båatsose, mestie daate dåarjoe vadtasåvva, Eira jeahta.

Ulmie prosjektine lea dïenestem lissiehtidh viehkine dejtie biejjieladtje åaside giehpiedih jïh jienebh bovtsh vihtiestidh mah juvrijste båvvalgamme. Lissine sæjhta ulmine årrodh buerebelaakan aerpievuekien daajroem båetije boelvese buektedh. Edtja dåarjoem nuhtjedh dalhketjh åestedh.

Akte ulmie jienebh bovtsh vihtiestidh mah juvrijste båvvalgieh. Juktie bovtsh aelhkebe gaavnedh mejtie juvrh leah bovvelamme, reaktoe dalhketjh stoerre viehkine sjædta. Mobijle hæhtjojne maahta vielie stieresne årrodh krievvesne. Lissine termiske tjïjhkerde, GPS-saadtijh jïh drööne sijhtieh viehkine årrodh bovtsh mah leah juvrijste båvvalgamme, daamtajåbpoe jïh verkebe gaavnedh.

Barhvh gaavnedh åvtelen jeatjah juvrh båetieh dejtie berrieh lea vihkele jis Staaten Eatnemevaaksjome sæjhta vihtiestidh dah leah juvrijste båvvalgamme. Lea maaksoem bovtsi åvteste mah leah vaarjelamme juvrijste båvvalgamme, åajvahkommes ryöknedamme dan bovtselåhkoen mietie maam buektehte vihtiestidh lea vaarjelamme juvrijste båvvalgamme.