Hans Ole Eira Árvu/Sametinget

Saemiedigkieraerie Hans Ole Eira (Gk) lea joekoen madtjele Saemiedigkie noere båatsoesaemiem dåarjohte mij sæjhta jielemekombinasjovnine nïerhkedh mij båatsoem, fealadassem jïh dååjresh våaroeminie åtna. Påve dåarjoem åådtjeme turismem evtiedidh gusnie våarome lea aerpievuekien vuejemeråantjoeh, jïh daate kombinasjovnegïehtelimmine dïsse sjædta.

– Edtja gïehtelimmiem tseegkedh goh fuelhkiesïelte. Daate sæjhta jiehtedh jienebh boelvh sijhtieh laavenjostedh jïh daate sæjhta vieksiesvoetine årrodh aerpievuekien saemien jieliemidie. Påve sæjhta orre sjïere suerkiem sjugniedidh jïh maarkede byöroeh stïeresne årrodh don sïeltese maam edtja tseegkedh, Eira jeahta.

Lars Isak Johannes Påve. Privat

Dåarjoe vadtasåvva dåarjoeöörnegistie lissiejieleme båatsosne. Daan jaepien prioriteete lea tseegkemh mah dïenestem vedtieh jïh båatsoem våaroeminie utnieh jïh råajvarimmieh mah leah orresjugniedihks jïh sïelteevtiedimmie.

Jis gyhtjelassh jallh gihtjehtimmie, gaskesadth saemiedigkieraeriem Hans Ole Eira, tell: +47 918 61471, hans.ole.eira@samediggi.no