Saetniesvoete- jïh liktemekommisjovnen reektehtsen tjïrrh jïh Saemiedigkien jïh Stoerredigkien reektehtsen gïetedallemi mænngan, tjïelke sjïdteme lea joekoen daerpies daaroedehtemen mænngan davvodh. Daaroedehteme lïhkes-seabradahkide irhkeme, jïh skaarah tjuerieh dovvesovvedh. Jeenje barkoe aajmene jalhts stoerre barkoem dorjeme saemien kultuvrem jealajehtedh jïh nænnoestidh. Jeenjh sov saemiengïelem jïh kultuvrem dasseme, jïh sååjhtoeh bïhkedimmiem jïh viehkiem daarpesjieh sijjen saemien identiteetem vihth gaavnedh jïh nænnoestidh. Jeenjebidie sijjieh saemien ektievoetine fååtesieh.
Gaajhkesh saemieh gelkieh saemien maanagïertefaaleldahkem, saemien ööhpehtimmiem maadth- jïh jåarhkeskuvlesne jïh staeries tjåanghkoesijjide utnedh saemiengïeline- jïh kultuvrine.
Saemiedigkie regionaale govlehtimmieprosesside böörie gusnie ulmie daerpiesvoetide vååjnedehtedh saemien faaleldahki, öörnegi jïh råajvarimmiej åvteste fïerhtene veeljemegievline. Govlehtimmie galka våaromem vuarjasjæmman tseegkedh mejtie jïh guktie dah ovmessie veeljemegievlieh nynnehkåbpoe jallh jeatjah barkoem åvtese daarpesjieh gåessie saemien gïelh jïh saemien kultuvrem jealajehtedh, gorredidh jallh nænnoestidh.
Tjaktjen 2026 Saemiedigkie govlehtimmiem hööltie Åarjel-Nöörjen veeljemegievlesne. Daate lea vïjhteden veeljemegievlie gusnie dagkeres govlehtimmie tjïrresåvva. Golmene jaepine gelkieh govlehtimmieh gaajhkine Saemiedigkien veeljemegievline öörnesovvedh.
Lohkh govlehtimmie-prieviem (PDF, 330 kB)
Lohkh abpe govlehtimmie-prieviem daesnie (legg inn lenke til PDF)
Mejtie Saemiedigkie raerieh sæjhta?
Saemiedigkie sæjhta daejredh mah daerpiesvoeth saemien lïhkes-seabradahkh jïh aktegsalmetjh utnieh guktie jis skaarah davvodh daaroedehtemen mænngan. Aaj vihkeles tjïelkestidh mah lïhkes saemien aktöörh jïjtjh maehtieh darjodh, guktie tjïelth, nöörjen institusjovnh jïh organisasjovnh maehtieh viehkiehtidh, jïh magkerh råajvarimmide Saemiedigkie byöroe sjïehteladtedh. Lissine mijjieh sïjhtebe govledh mejtie daerpies Saemiedigkien dåarjoeöörnegidie jeatjahtehtedh jallh nænnoestidh.
Åålmehtjåanghkoeh
Seamma boelhkesne tjaaleldh govlehtimmine leah golme åålmehtjåanghkoeh veeljemegievlesne:
- Stavanger: Gaskevåhkoen rïhkeden 28. biejjien ts. 18.00-20.00, Folkets Hus, Sal 1, Løkkeveien 22, 4008 Stavanger
- Bergen: Dåarstan rïhkeden 29. biejjien ts. 18.00-20.00, Litteraturhuset i Bergen, Amalie Alver-rommet, Østre Skostredet 5-7, 5017 Bergen,
- Oslove: Rahkan 5. biejjien ts. 18.00-20.00, Litteraturhuset i Oslo, Skram-rommet, Wergelandsveien 29
0167 Oslove
Bïevnesh sijjen jïh praktihkeles daajroen bïjre bæjhkoehtovvieh biejjielåhkose Saemiedigkien nedtesæjrosne jïh mijjen sosijaale medijinie gåessie daejrebe. Aejkiemierie maahta sartasovvedh – vuartesjh mijjen kanaalide mejtie bïevnesh orrestehteme.
Åålmehtjåanghkoeh ræhpas gaajhkesidie. Toelhkestibie saemiengïeleste nöörjengïelese Interactio-appen tjïrrh. Vaeltieh bealjesh meatan jis datne sïjhth toelhkestimmiem goltelidh.
Guktie govlehtimmesne dåeriedidh?
Gaajhkesh gïeh sijhtieh, maehtieh tjaaleldh govlehtimmie-vaestiedassem seedtedh goeren tjïrrh maam gaavnh dan nuelesne.
Govlehtimmiemierie lea rahkan 23. biejjien 2026.
Dåeredh govlehtimmesne - dievhtieh goerem daesnie
Jis ih maehtieh digitaalen tjïrrh dåeriedidh, dle maahtah aaj dov govlehtimmie-vaestiedassem mijjen gåajkoe påastine seedtedh.
Sámediggi –Sametinget
Postboks 3
9735 Kárášjohka/Karasjok
Govlehtimmie-vaestiedassh leah byjjes byjjeslaaken mietie jïh Saemiedigkien nedtesæjrose bæjhkoehtovvieh.