– Itjmies jis CWD-skïemtjelassem vihteste

– Itjmies jis CWD-skïemtjelassem vihteste

Saemiedigkiepresideente Silje Karine Muotka bïevnesistie Beapmoevaaksjoemistie tjoeperde akten låemties råantjoen bïjre Byrkijisnie mij positijve teestem åadtjoeji CWD-skïemtjelassese dejnie voestes pryïvine. – Daate itjmies, jïh mijjieh daam aamhtesem tjarke prioriteerebe, Muotka jeahta.

Silje Karine MuotkaAkte låemties råantjoe maam leekedi skïereden 9.b. Byrkijisnie lea positijve teestem åådtjeme CWS-skïemtjelassese dejnie voestes pryövine. Doh annjebodts pryövevaestiedassh maehtieh suetien vööste vuesiehtidh, jïh jienebh analyjsh daerpies. Minngemosth pryövevaestiedasse daan hïeljen båata. Beapmoevaaksjome dam preessebïevnesisnie beavna.

CWD lea jaamedahke raantekreekide, jïh aarebi dam gaavneme gedtiej luvnie Nordfjella-vaeresne jïh Hardangerguevtielisnie.

Saemiedigkiepresideente Silje Karine Muotka jeahta eevre vihkele skïemtjelassem tjöödtjestidh olles haasenh, jis doh minngemosth pryövevaestiedassh CWD-skïemtjelassem vuesiehtieh.

– Jis vihteste bovtsh leah CWD-skïemtjelasseste laanestamme, dellie åejvieladtjh Nöörjen Båatsoesaemiej Rijhkesiebrine ektine (NBR) jïh båatsoeburriejgujmie dajvesne dallatjinie aelkedh goerehtalledh man jïjnje lea skïemtjelasseste jïh råajvarimmiejgujmie nierhkedh suetiem tjöödtjestidh, Muotka jeahta,

Saemiedigkiepresideente aaj birrie båatsoeburrieh bïevnesh jïh hijven faageles raerieh åadtjoeh guktie dah edtjieh daam tsiehkiem gïetedidh.

– Vihkele bïevnesidie tjarke prioriteeredh, joekoen dejtie båatsoeburride mej bïjre lea, men aaj abpe båatsose.

Saemiedigkiepresideente Silje Karine Muotka sæjhta daelie sveerjen saemiedigkiepresideentem Håkan Jonsson CWD-skïemtjelassen bïjre bievnedh mij dagke båateme bovtside Byrkijisnie, mij lea eevre sveerjen raasten lïhke.

Beapmoevaaksjomen preessebïevnese vaanesovmen bïjre CWD-skïemtjelassen bïjre bovtsine Byrkijisnie