Dåehkien lïhtsegh sæjhta guessine åarjelsaemien dajvese jïh umesaemien dajvese vuelkedh. Gosse guessine lïhtsegh sijhtieh daejredh guktie lea saemien kultuvre- jïh gïelesijjesne jïh sïebredahkesne. Dah sijhtieh govledh guktie almetjh barkeminie jïh guktie dej dåeriesmoerh aarehkebijjine. Dåehkien lïhtsegh sijhtieh båatsoeburrigujmie soptsestidh jïh govledh guktie dah ussjedeminie gosse sijhtieh dej gåatomedajvide vaarjelidh.

Numhtie dåhkie guessine vualka: Snåase, Maajehjaevrie, Trovvegarse, Aarporte, Hïejmenaassjoe jïh Måefie. Snåasesne edtja Saemien sïjtese vuelkedh. Mïetsken luhkiegåalmeden biejjien iehkeden dellie almetjh tjåanghkose böörie. 

Dåehkie edtja aaj numhtie vuelkedh: Sjeltie, Sijti Jarnge, Åarjelsaemien vierhtiesåafoe, Hïejmenaassjoen umesaemien siebrie, Åarjelsaemien teatere jïh Aernie. Dåehkie edtja aaj Jillen-Njaarken båatsoeburride gaavnesjidh.

Saemiedihkien golme faagedåehkie gïeh ovmessie aamhtsh evtiedieh aarebi Saemiedigkien lïhtsegh tjåanghkenieh.

Jielemedåårrehtimmie- jïh kultuvredåehkie ovmessie aamhtsigujmie barkeminie: saemien fealadasse, båatsoe, jåartaburrie, marijne jielemh, jeereldihkie jielemh, ålja jïh energi jïh fealadimmie, Dåehkie maahta aaj kultuvrine, gærhkojne, kultuvremojhtesigujmie jïh byjresken vaarjelimmine. Dåehkie maahta aaj aamhtsigujmie barkedh: voeni politihki gyhtjelassh, regiovni plaanh jïh ektievoeten latjkoeh fylhkentjïeltigujmie.

Saemiedigkien jielemedåårrehtimmie- jïh kultuvredåehkie:

Åejvie: Mathis Nilsen Eira, NSR
Mubpie åejvie: Arthur Tørfoss, Fremskrittspartiet
Henrik Olsen, NSR
Ole Henrik Bjørkmo Lifjell, NSR
Sara Katrine Aleksandersen, NSR
Helén Storelv-Rabone, NSR
Svein Leiros, Senterpartiet
John Mathis Utsi, Ávjovári Johttisámi listu
Ulf Tore Johansen, Nordkalottfolket
Gry Hege Warth, Nordkalottfolket
Ingvild Halvorsen, Nordkalottfolket
Jørn Are Gaski, partipolitisk uavhengig
John Kappfjell, Barkijebielienkrirrie