Saemiedigkieraerie geerjene guktie maahta dåarjojne luvliesaemien jïh åarjelsaemien litteratuvreprosjektide saemien maanide jïh noeride, vedtedh.

Luvliesaemien gærjasijjie Nálaga Tjállaga lea 330 750 kråvnah åådtjeme guktie sæjhta maanagærjam "Njoammel ja gidádálvve" darjodh. Tjaelije lea Rakel-Iren Pedersen. Gærja sjeahta maanide gïeh saemiengïelem voestesgïeline jaepieh gaske 3-5 jaepieh båeries leah. Gærjan guvviedæjja lea Sissel Horndal.

– Daerpies gærjah maam luvliesaemiengïeline tjaalasovveme. Mijjieh daarpesjibie gærjah maam maanide gïeh saemiengïelem voestesgïeline sjiehtieh. Dan åvteste manne geerjene guktie maehtebe dam gærjam dåarjodh, saemiedigkieraerien lïhtsege Maja Kristine Jåma jeahta.

Luvliesaemien gærjasijjie Tjihkkom Almmudahka lea aaj 176 000 kråvnah dåarjojne åådtjeme, edtja "Himlabrand" luvliesaemien gïeline sveerjen gïeleste jarkoestidh.  Himlabrand jaepien 2021 olkese bööti. Moa Backe Åstot gie luvliesaemien dajveste båata, lea gærjam sveerjen gïeline tjaaleme. Åstot lea båatsoefuelhkeste. 

Romane sjiehteles noere geerve almetjidie. Gærjesne maehtebe noere ålmine åahpenidh, man nomme Ánte. Dïhte båatsoefuelhkeste Jåhkamåhkkeste. Gosse dïhte aajnehkinie, almetjh aerviedieh edtja båatsojne barkedh. Faahketji dan baalkeste sveehkesti. Dellie maehtebe satnem dåeriedidh gosse gellie tsagkesh båetieh.

– Hijven gosse jarkoestamme gærja båata, gusnie luvliesaemien båatsojne jïh kultuvre nuelesne lea. Båatsoeaamhtsh vihkele noeride, Jåma jeahta.

Trööndelaage fylhkegærjagåetie lea aaj 120 000 kråvnah dåarjojne åådtjeme guktie maahta videogærjah maanide åarjelsaemien gïeline darjodh. 

– Trööndelaage fylhkegærjagåetie aktesne Gïelem nastedh videogærjah jïh tjoejegærjah dorjeme. Almetjh lin daejtie soptsestamme nov amma daerpies saemien litteratuvre saemien gïeline darjodh. Noere almetjh jïh geerve tjoejegærjide sijhtieh. Dellie daejrebe tjoejegærjah vihkeles viehkievierhtie dejtie gïeh sijhtieh åarjelsaemien gïelem lïeredh. Dellie maehtebe åarjelsaemien gïelem nænnoestidh, saemiedigkieraerien lïhtsege Maja Kristine Jåma jeahta.